កូនស្រីអតីតតារាសម្ដែង កែវ កល្យាណ បញ្ចេញរូបថត Pre-Wedding ឡើងស្រស់ស្អាតជាមួយគូដណ្ដឹង

ភ្នំពេញ៖ ដូចដែលបានដឹងស្រាប់ហើយ ពេលនេះ តារាសម្ដែងវ័យក្មេង កញ្ញា កែវ ឡាវីញ ដែលគ្រប់គ្នាបានស្គាល់ថា ជាកូនស្រីអតីតតារាសម្ដែង កែវ កល្យាណ កំពុងតែសាងប្រជាប្រិយភាព និងទទួលបានការគាំទ្រពីទស្សនិកជន ដោយបានបង្ហាញទេពកោសល្យស្នាដៃសម្ដែងយ៉ាងល្អ ព្រមទាំងមានរូបសម្រស់ផូរផង់ គួរជាទីពេញចិត្ត។

ដោយឡែក ក្រៅពីសកម្មភាពសិល្បៈដ៏គួរឲ្យចាប់អារម្មណ៍ហើយ ថ្មីៗនេះ ស្រាប់តែមានរឿងដ៏ភ្ញាក់ផ្អើល និងរំភើបលាយឡំគ្នា នៅពេលដែលមានការបញ្ចេញរូបភាព Pre-Wedding របស់តារាសម្ដែង កែវ ឡាវីញ ជាមួយនឹងគូដណ្ដឹង ក្នុងឈុតប្រពៃណី និងឈុតសម្លៀកបំពាក់សម័យថ្មីផ្សេងៗទៀតយ៉ាងស្រស់ស្អាត ក្រោមបរិយាកាសរ៉ូមែនទិក ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ តាមរយៈរូបភាពដែលបានបង្ហាញកាយវិការផ្អែមល្ហែមរបស់អ្នកទាំងពីរ បានធ្វើឲ្យហ្វេនៗ បានចូលរួមអបអរសាទរ និងរងចាំមើលថ្ងៃដ៏ពិសេសរបស់ពួកគេ ក្នុងពេលឆាប់ៗខាងមុខនេះ៕

ប្រភពរូបភាព៖ DaraEntertainment_PhotoStudio

សូមទស្សនារូបភាពខាងក្រោម៖ 

• តារាខ្មែរ