ក្រោយអាជ្ញាធរចិនបានបន្ធូរបន្ថយ វិធានការទប់ស្កាត់ អ្នកជំនាញព្រមានថា កូវីដ១៩នឹងរាតត្បាតយ៉ាងរហ័សនៅចិន

ប៉េកាំង៖ ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃអាទិត្យថា អ្នកជំនាញផ្នែកសុខភាពកំពូលម្នាក់របស់ប្រទេសចិនបានព្រមានពីការកើនឡើងនៃករណីជំងឺកូវីដ១៩ បន្ទាប់ពីការសម្រេចចិត្តរបស់រដ្ឋាភិបាល ក្នុងការបោះបង់ចោលយុទ្ធសាស្ត្រជំងឺកូវីដ១៩។

តាមប្រភពដដែលបានលើកឡើងថា បន្ទាប់ពីការសម្រេចចិត្តកាត់បន្ថយវិសាលភាពនៃការធ្វើតេស្តចាំបាច់ អនុញ្ញាតឱ្យករណីវិជ្ជមានមួយចំនួនដាក់ឱ្យនៅដាច់ពីគេនៅផ្ទះ និងបញ្ចប់បិទផ្ទប់ទ្រង់ទ្រាយធំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកជំនាញខាងរោគរាតត្បាតកំពូល Zhong Nanshan បានប្រាប់ប្រព័ន្ធផ្សព្វផ្សាយរដ្ឋនៅក្នុងបទសម្ភាសន៍មួយដែលបានចេញផ្សាយកាលពីថ្ងៃអាទិត្យថា វីរុស Omicron ដែលកំពុងរីករាលដាលនៅក្នុងប្រទេសចិនគឺអាចឆ្លងបានខ្ពស់ ហើយអាចនាំឱ្យមានការកើនឡើងនៃករណី។ ជាក់ស្តែងលោក Zhong ដែលជាទីប្រឹក្សាឈានមុខគេរបស់រដ្ឋាភិបាលបានមានប្រសាសន៍ថា ការផ្លាស់ប្តូរ Omicron (បច្ចុប្បន្ន) គឺឆ្លងខ្លាំងណាស់ មនុស្សម្នាក់អាចចម្លងដល់មនុស្ស ២២ នាក់។

គេត្រូវបានដឹងថាបច្ចុប្បន្ន ជំងឺរាតត្បាតនៅក្នុងប្រទេសចិនកំពុងរីករាលដាលយ៉ាងឆាប់រហ័ស ហើយនៅក្រោមកាលៈទេសៈបែបនេះ មិនថាការការពារ និងការគ្រប់គ្រងខ្លាំងប៉ុណ្ណាក៏ដោយ វានឹងពិបាកក្នុងការកាត់ផ្តាច់ខ្សែសង្វាក់នៃការឆ្លងទាំងស្រុងបានណាស់។

ការបន្ធូរបន្ថយគោលនយោបាយដែលគេហៅថា «កូវីដស្មើរសូន្យ» របស់ប្រទេសចិនបានធ្វើតាមការតវ៉ាទូទាំងប្រទេសប្រឆាំងនឹងច្បាប់មេរោគដ៏អាក្រក់ដែលបានបំផ្លាញសេដ្ឋកិច្ច និងបង្ខាំងមនុស្សរាប់លាននាក់នៅក្នុងផ្ទះរបស់ពួកគេ។

ប៉ុន្តែឥឡូវនេះប្រទេសនេះកំពុងប្រឈមមុខនឹងការកើនឡើងនៃករណីដែលខ្លួនមិនបានរៀបចំដើម្បីដោះស្រាយ ដោយមនុស្សចាស់រាប់លាននាក់នៅតែមិនទាន់ចាក់វ៉ាក់សាំងពេញលេញ និងមន្ទីរពេទ្យដែលមិនមានថវិការខ្វះលទ្ធភាពទទួលយកអ្នកជំងឺយ៉ាងច្រើន៕

ប្រភព៖ channelnewsasia

សូមទស្សនារូបភាពខាងក្រោម៖