ភ្នំពេញ៖ ការ៉េម Magnum បានចូលរួមក្នុងការបំផុសគំនិតឌីហ្សាញដ៏អស្ចារ្យនៅក្នុងកម្មវិធី Phnom Penh Designers Week 2022 ជាមួយម៉ូតសម្លៀកបំពាក់៥ឈុត កាលពីថ្ងៃទី ០២ និងថ្ងៃទី ០៣ ខែធ្នូ ឆ្នាំ២០២២ កន្លងទៅនេះ នៅក្នុងផ្សារទំនើបអូឡាំព្យា ដែលមានការចូលរួមយ៉ាងច្រើនកុះករពីសំណាក់ភ្ញៀវកិត្តិយសជាតិ និង អន្តរជាតិ តារាល្បីៗក្នុងស្រុក ព្រមទាំងមហាជនជាច្រើន ដែលចូលចិត្តវិស័យហ្វេសសិ​ន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រឹត្តិការណ៍ដ៏ឱឡារិកនេះ បានលើកយកឈុត Men Wears និង Women Wears ដ៏ប្លែកស៊ីវិល័យជាច្រើនឈុត ដែលជាស្នាដៃយ៉ាងផ្ចិតផ្ចង់ និងត្រូវបានច្នៃឡើងដោយ Designer ល្បីៗទាំងក្នុង និងក្រៅស្រុក មកបង្ហាញនៅលើឆាក ដោយម៉ូឌែលស្រស់ស្អាតសង្ហាជាច្រើនរូប។ ឈុត Collection សម្លៀកបំពាក់ទាំងនេះដែរ ក៏ត្រូវបានបំផុសគំនិតឡើង ដោយប្រ៊េនល្បីៗជាច្រើននៅក្នុងប្រទេសកម្ពុជា ជាពិសេសក្នុងនោះ ប្រ៊េនការ៉េមដ៏ល្បីMagnum ក៏បានចូលរួមក្នុងការបំផុសគំនិតក្នុងការច្នៃម៉ូដមកបង្ហាញក្នុង PPDW លើកនេះផងដែរ។

Magnum បានបំផុសគំនិតរបស់ខ្លួនជាឈុតយ៉ាងស្រស់ស្អាត ពោរពេញទៅដោយការច្នៃប្រឌិតខ្ពស់ចំនួន៥ ឈុត យកមកបង្ហាញនៅលើឆាក ដែលក្នុងនោះមានឈុតមួយដែល​ Magnum បានច្នៃឡើងជាពិសេស និងត្រូវបានគ្រងដោយតារាម៉ូឌែល និងតារាសម្តែង នៅ គីមមួយ។

តារាម៉ូឌែល និងតារាសម្តែង នៅ គីមមួយ បានទម្លាយឱ្យដឹងពីអារម្មណ៍របស់ខ្លួននៅក្នុងកម្មវិធីដ៏អស្ចារ្យនេះផងដែរថា កញ្ញាពិតជាសប្បាយរីករាយខ្លាំងណាស់ ដែលបានមានវត្តមាននៅក្នុងកម្មវិធីនេះ ជាពិសេសគឺ​បានគ្រងឈុតរបស់ Magnum នេះ។ កញ្ញាបន្តទៀតថា ឈុតមួយនេះពិតជាពិសេស ព្រោះក្រៅពីមានសាច់ក្រណាត់ងាយស្រួលពាក់ហើយ ថែមទាំងមានភាពប្រណិតស្រស់ស្អាត មានអំណាច ពោរពេញដោយភាពច្នៃប្រឌិត មើលទៅទាក់ភ្នែកតែម្តង។

អ្វីដែលកាន់តែចាប់អារម្មណ៍នោះ ឈុតដ៏ប្រណិតពិសេស ១ ឈុតរបស់ Magnum គឺជាស្នាដៃរបស់អ្នកច្នៃម៉ូដវ័យក្មេង Kong Label by Da Mo។ លោក Da Mo បានប្រឡូកនៅវិស័យឌីហ្សាញនេះ រយៈពេល ៤ ឆ្នាំមកហើយ ពោលគឺបន្ទាប់ពីបញ្ចប់ការសិក្សាផ្នែកឌីហ្សាញតាំងពីឆ្នាំ ២០១៨ មកម្ល៉េះ។ លោកបានបញ្ជាក់ឱ្យដឹងថា លោកបានចូលរួម PPDW ជារៀងរាល់ឆ្នាំ ព្រោះតែចង់បង្ហាញពីខ្លួនឯង និងស្នាដៃការឌីហ្សាញរបស់ខ្លួនទៅកាន់មហាជន ក៏ដូចជាចង់ឱ្យមហាជនដឹងថា​ ប្រ​ទេស​​​យើងក៏មានប្រ៊េនសម្លៀកបំពាក់ក្នុងស្រុក ដែលជា Collection ទាន់សម័យស៊ីវិល័យស្អាតៗ មិនចាញ់ប្រទេសជិតខាងប៉ុន្មាននោះទេ។

សម្រាប់ Collection របស់ Magnum មួយនេះ គឺជាការបំផុសគំនិតកើតឡើងចេញចំណង់ចំណូលចិត្តនៃការស្លៀកពាក់របស់លោកផ្ទាល់ ដែលមានទាំងស្ទីល​បែប​ Masculine និង Feminine រួមជាមួយនឹង Texture រូបរាង នៃការផ្សំរបស់ការ៉េម ដែលមានជាពណ៌យ៉ាងស្រស់ស្អាតជាដើម។ លើស​ពីនេះទៀតលោកក៏បានបន្ថែមឱ្យដឹងថា លោកពិតជាចូលចិត្តរសជាតិការ៉េម និងគុណភាពរបស់ Magnum ណាស់៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT