Ji Yeon បញ្ចេញរូបបន្ថែមក្នុងថ្ងៃមង្គល ហ្វេនឃើញរំភើបជំនួស

កូរ៉េខាងត្បូង៖ ថ្មីៗនេះ រូបភាពស្អាតៗជាច្រើនសន្លឹក នៅក្នុងពិធីមង្គលការរបស់តារាចម្រៀង Ji Yeon (សមាជិក T-ara) និងស្វាមី ដែលជាអ្នកលេងកីឡា Baseball លោក Hwang Jae Gyun កាលពីថ្ងៃទី ១០ ខែធ្នូ ត្រូវបានបង្ហាញឡើងនៅលើបណ្តាញសង្គម ដែលជាទីចាប់អារម្មណ៍យ៉ាងខ្លាំង។

នៅលើទំព័រផ្ទាល់ខ្លួនរបស់តារាចម្រៀងស្រីរូបនេះ បានបង្ហោះរូបថតអាពាហ៍ពិពាហ៍ជាបន្តបន្ទាប់ នៅក្នុងនោះសុទ្ធសឹងតែជារូបភាពដ៏ផ្អែមល្ហែមរវាងនាង និងស្វាមី ក្នុងឈុតរ៉ូបកូនក្រមុំពណ៌សយ៉ាងស្រស់សោភា បូករួមនឹងទិដ្ឋភាពដ៏ស្រស់ស្អាតក្នុងពិធី ហើយជាពិសេស នាងថែមទាំងបានបង្ហាញពីទឹកមុខដ៏រីករាយ ក្នុងថ្ងៃមង្គល ដែលនេះគឺជាការចាប់ផ្ដើមមួយ ក្នុងការសាងអនាគតរួមគ្នាជាមួយស្វាមីបណ្ដូលចិត្ត ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ តារាស្រី Ji Yeon ក៏បានលើកឡើងថា នាងនិងស្វាមី ពិតជាមានពិធីមង្គលការ ដែលមកជាមួយនឹងពរជ័យពីមនុស្សជាច្រើន រួមទាំងការ អរគុណ​ពីភ្ញៀវ ដែលបាន​មក​ចូល​រួម​ក្នុង​ពិធី​មង្គលការ​របស់នាង ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាកូរ៉េ