ថៃ៖ សម្រាប់បវរកញ្ញាលំដាប់រងទី ១ ក្នុងកម្មវិធី Miss Grand International 2022 នាង Engfa Waraha កាន់តែធ្វើឲ្យមនុស្សជាច្រើនតាមដានសឹងតែគ្រប់សកម្មភាព ជាពិសេស ថ្មីៗនេះ នាងត្រូវបានមហាជនផ្ដោតអារម្មណ៍ទៅលើរឿងទំនាក់ទំនងស្នេហា នៅពេលដែលបវរកញ្ញារូបនេះ បង្ហើបពីការតាមចែចង់របស់តារាប្រុសម្នាក់។
យ៉ាងណាមិញ Engfa ក៏បានចេញមុខបកស្រាយរឿងនេះ ដោយគ្រាន់តែនិយាយថា នោះគ្រាន់តែជាការលេងហ្គេមសម្ដែងប៉ុណ្ណោះ ហើយនាងក៏មិនចង់ឲ្យអ្នកណាម្នាក់ត្រូវខូចខាតនោះដែរ។ ជាពិសេស Engfa ក៏បានបង្ហើបពីស្ថានភាពបេះដូងរបស់នាងនៅពេលនេះ ថាខ្លួននៅទំនេរទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្រៅពីរៀបរាប់ពីរឿងសង្ស័យស្នេហាហើយនោះ Engfa បានទាញយកចំណាប់អារម្មណ៍យ៉ាងខ្លាំងថែមទៀត នៅពេលដែលនាង បានបង្ហាញពីរឿងតម្លៃខ្លួន ក្នុងការLiveក្នុងមួយម៉ោង ដែលអាចឡើងដល់ ៧ សែនបាត(ប្រហែល២ម៉ឺនដុល្លារ) លើសតារាកំពូលសម្ដែងដូចជា Aum Patchrapa Nadech Kugimiya និង Yaya Urassaya នោះ រូបនាង បានទម្លាយថា រឿងតម្លៃខ្លួននេះ គឺជារឿងរបស់អ្នកមើលថែ ដែលអាចថា នឹងត្រូវបានវាយតម្លៃទៅតាមប្រភេទការងារ និងពេលវេលា តាមការសមស្រប។
លើសពីនេះ រឿងតម្លៃខ្លួន ដែលខ្ពស់ជាងតារាដទៃនោះ Engfa បានប្រាប់ថា នាងមិនដឹង ហើយក៏មិនហ៊ានប្រៀបធៀបខ្លួនឯងជាមួយនរណាទេ ដែលការធ្វើការ១ម៉ោង ក្នុងតម្លៃ ៧ សែនបាត នោះ គឺមានបំណងទៅធ្វើការឲ្យសមតម្លៃការងារតែប៉ុណ្ណោះ៕
ប្រភព៖ Kapook
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
