ផ្សារទំនើប អ៉ីអន ម៉ល មានជ័យ ចាប់បើកដំណើរការសាកល្បង ហើយនៅថ្ងៃទី១៥ ខែធ្នូ ឆ្នាំ២០២២ នេះ ចាប់ពីម៉ោង ៩ព្រឹកតទៅ!

ភ្នំពេញ៖ នៅថ្ងៃព្រហស្បតិ៍ ទី១៥ ខែធ្នូ ឆ្នាំ២០២២ នេះ ក្រុមហ៊ុន អ៉ីអន ម៉ល ខេមបូឌា ខូ អិលធីឌី និងក្រុមហ៊ុន អ៉ីអន (ខេមបូឌា) ខូ អិលធីឌី បានបើកដំណើរការសាកល្បង ផ្សារទំនើប អ៉ីអន ម៉ល មានជ័យ ដែលជាផ្សារទំនើបទី៣ នៅក្នុងព្រះរាជាណាចក្រកម្ពុជាហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្សារទំនើប អ៉ីអន ម៉ល មានជ័យ មានទីតាំងស្ថិតនៅតាមបណ្តោយមហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ) ភាគខាងត្បូងនៃរាជធានីភ្នំពេញ ដែលជាតំបន់កំពុងត្រូវបានអភិវឌ្ឍ និងជាទីក្រុងរណបនៃរាជធានីភ្នំពេញផងដែរ។ ផ្សារទំនើបនេះនឹងផ្តល់ជូននូវការកម្សាន្ត និងការអប់រំដល់មនុស្សគ្រប់វ័យ ជាមួយនឹងគោលគំនិត “Edutainment Mall” នៅចំកណ្តាលនៃទីក្រុងកំពុងអភិវឌ្ឍន៍ថ្មី។

ទន្ទឹមនឹងការផ្តល់ការកម្សាន្ត និងការអប់រំសម្រាប់មនុស្សគ្រប់វ័យ ជាពិសេស ផ្សារទំនើប អ៉ីអន ម៉ល មានជ័យ នឹងនាំមកជូននូវចំណីអារម្មណ៍ជូនលោកអ្នក ប្លែកលើសពីការរំពឹងទុកដូចជា៖

- Icon Plaza: គឺជាកន្លែងពិសេសជាងគេ ដែលស្ថិតនៅចំភាគកណ្ដាលនៃផ្សារទំនើប ដែលមានជណ្ដើរប្រអប់ផ្ទាំងឌីជីថល មានកម្ពស់៣៥ម៉ែត្រ និងមុខកាត់បីជ្រុងនៅក្នុងផ្សារទំនើប និងផ្ទាំង Pila បែបឌីជីថលចំនួន៩ ដែលបង្ហាញពីវីឌីអូបែប 3D អំពីសត្វព្រៃ ជលវប្បដ្ឋាន (Aquarium) និងធម្មជាតិ។

- Sky bridge: គឺជាស្ពានកញ្ជក់ដំបូងគេបំផុតនៅក្នុងផ្សារទំនើប អាចផ្ទុកមនុស្សបានចំនួន ២០០នាក់ ក្នុងពេលតែមួយ

- KOMSAN Park: គឺជាសួនកំសាន្តដ៏ប្លែកដំបូងគេនៅក្នុងផ្សារទំនើប ដែលបានផ្តល់ជូនសកម្មភាព​ និងកន្លែងលេងសម្រាប់កុមារតូចៗ និងកន្លែងទាក់ទាញសម្រាប់មនុស្សពេញវ័យដែលផ្តល់ការកម្សាន្ត និងការអប់រំ ដូចជា Glamping Zone World Climbing និង​កន្លែងពិសេសៗដទៃទៀតជាច្រើន។

លើសពីនេះទៅទៀត ផ្សារទំនើប អ៉ីអន​ ម៉ល មានជ័យ មានហាងទំនិញអ៉ីអន (AEON Store) សាខាមានជ័យដំបូងបង្អស់ ដែលបានផ្តល់នូវបទពិសោធន៍ទិញទំនិញថ្មីសម្រាប់អតិថិជនជាមួយផលិតផលជាច្រើនប្រភេទ រួមទាំងអាហារស្រស់ៗ ទំនិញគ្រប់ប្រភេទ សម្ភារៈប្រើប្រាស់ក្នុងផ្ទះ សម្ភារៈការិយាល័យ សំលៀកបំពាក់កីឡា សម្ភារៈក្មេង ផលិតផលសុខភាព និងទំនិញជាច្រើនទៀត ដែលផ្តល់ភាពងាយស្រួលដល់អតិថិជនទាំងអស់។

ជាពិសេស ហាងទំនិញអ៉ីអន (AEON Store) សាខាមានជ័យ ផ្តោតលើគ្រួសារគ្រប់វ័យ និងយុវជនជំនាន់ក្រោយអាចស្វែងរកអ្វីដែលថ្មីនៅក្នុងរបៀបរស់នៅ ទោះបីជាពួកគេមានភាពមមាញឹកខ្លាំងនៅក្នុងជីវិតរស់នៅប្រចាំថ្ងៃក៏ដោយ។

កុំភ្លេចមកទស្សនា​ និងចូលរួមកំសាន្តអារម្មណ៍បែបស្រស់ស្រាយទាំងអស់គ្នានៅ ផ្សារទំនើប អ៉ីអន​ ម៉ល មានជ័យ ចាប់ពីថ្ងៃនេះតទៅ!!