ពិតទេ? តារាកំប្លែង ស្រីអ៉ីត និងតារាប្រុសរូបនេះ ជាគូស្នេហ៍នឹងគ្នា ព្យាយាមបិទបាំង?

រាជធានីភ្នំពេញ ៖ បោះជំហានក្នុងអាជីពជាតារាកំប្លែងជាង១០ឆ្នាំ មហាជនដឹងត្រឹមថា តារាកំប្លែង ស្រីអ៉ីត ជាអ្នកមេម៉ាយកូនមួយតែប៉ុណ្ណោះ មិនធ្លាប់បានប្រទះមុខមាត់អតីតស្វាមី ឬ លេចឮដំណឹងមានគូស្នេហ៍ថ្មីអ្វីឡើយ ដោយរក្សាភាពស្ងប់ស្ងាត់ពីជីវិតឯកជនបានរាប់ឆ្នាំ។

ផ្ទុយទៅវិញ កាលពីឆ្នាំ២០២១កន្លងទៅនេះ តារាកំប្លែង ស្រីអ៉ីត ត្រូវមហាជនសង្ស័យមានទំនាក់ទំនងជាមួយនឹង តារាសម្តែង អ៊ុក ដារ័ត្ន ជាបុរសសង្ហាសាច់ដុំកង់ៗ ខ្ពស់ស្រឡះ រាងមិនចាញ់ម៉ូដែល តែរូបនាងបែរជាបដិសេធគ្មានអ្វីលើសពីមិត្តរួមការងារនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាក្តី ស្របពេលរូបនាងហាក់ចេញមុខបដិសេធ តារាប្រុស អ៊ុក ដារ័ត្ន ក៏កាន់តែបើកបង្ហាញរូបភាពគូស្និទស្នាលដូចគូស្នេហ៍ ជាហេតុធ្វើឲ្យអ្នកគាំទ្រកាន់តែរំពឹងថា រូបនាងព្យាយាមបិទបាំងកុំឲ្យមានរឿងអាស្រូវមិនល្អ ព្រោះតែមានគូស្នេហ៍ខុសជំនាន់អាយុប្រហាក់ប្រហែលកូនស្រី តែផ្ទុយទៅវិញ រឿងនេះហាក់គ្មានទាស់ខុសអ្វីឡើយ ព្រោះតារាស្រីខ្មែរក៏មិនតិចនាក់ដែរមានស្វាមីក្មេងជាងខ្លួនច្រើនឆ្នាំ ប៉ុន្តែដោយសារតែសម្រស់របស់តារាកំប្លែង ស្រីអ៉ីត សាច់ចាំមើលទៅសមគ្នានឹងតារាសម្តែងប្រុសនេះឥតទាស់។

មួយវិញទៀត គេតែងឃើញតារាសម្តែង អ៊ុក ដារ័ត្ន ទៅណាមកណាជាមួយនឹងតារាកំប្លែង ស្រីអ៉ីត និងកូនស្រីជានិច្ច ជាពិសេសគឺតែងជួបជុំជាមួយគ្រួសារទាំងសងខាងថែមទៀតផង ហាក់ដូចជាត្រូវចាស់ទុំដឹងឮពីទំនាក់ទំនងនេះទៅហើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• គ្រួសារ
• ការងារ
• ជីវិត
• រូបភាព
• តារាខ្មែរ