មាស សុខសោភា ប្តេជ្ញាជំរុញការប្រើប្រាស់សេវាហិរញ្ញវត្ថុផ្លូវការឱ្យកាន់តែទូលំទូលាយ ក្រោយក្លាយជាទូតសុច្ឆន្ទៈរបស់ អិលអូអិលស៊ី (ខេមបូឌា)

រាជធានីភ្នំពេញ៖ ថ្ងៃសៅរ៍ ទី១៧ ខែធ្នូ ឆ្នាំ២០២២ អិលអូអិលស៊ី (ខេមបូឌា) ភីអិលស៊ី ដែលជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើឈានមុខគេមួយនៅព្រះរាជាណាចក្រកម្ពុជា បានរៀបចំកម្មវិធីស្វាគមន៍ទូតសុច្ឆន្ទៈរបស់ខ្លួនជាផ្លូវការ គឺកំពូលតារាចម្រៀង មាស សុខសោភា ដែលប្រព្រឹត្តទៅក្នុងផ្សារទំនើប អ៊ីអនម៉ល សែនសុខ ស៊ីធី។ 

នេះជាកិច្ចសហការមួយដ៏គួរឱ្យចាប់អារម្មណ៍ជាមួយតារាចម្រៀងដែលមានកិត្តិនាមល្បីក្នុងប្រទេស ក្នុងការរួបរួមផ្សព្វផ្សាយអំពីលក្ខណៈពិសេសៗពីផលិតផល និងសេវាហិរញ្ញវត្ថុរបស់អិលអូអិលស៊ី ដែលកំពុងផ្តល់ជូនអតិថិជន ក៏ដូចជាជំរុញការផ្លាស់ប្តូរពីការគ្រប់គ្រងសាច់ប្រាក់បែបប្រពៃណី មកជាការប្រើប្រាស់សេវាហិរញ្ញវត្ថុតាមបែបឌីជីថលដែលមានភាពងាយស្រួល ឆាប់រហ័ស និងមានសុវត្ថិភាពខ្ពស់ សម្រាប់ប្រជាជនកម្ពុជាទាំងមូល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក សុខ វឿន ប្រធាននាយកប្រតិបត្តិ  អិលអូអិលស៊ី (ខេមបូឌា) បានមានប្រសាសន៍ឱ្យដឹងថា 

លោកបានបន្ថែមថា នេះគឺជាសក្ខីភាពបន្ថែមទៀតក្នុងការបង្ហាញពីការប្តេជ្ញាចិត្តរបស់ អិលអូអិលស៊ី ក្នុងការផ្តល់ជូនសេវាហិរញ្ញវត្ថុរបស់ខ្លួនឱ្យកាន់តែទូលំទូលាយដល់អតិថិជនរបស់យើង ក៏ដូចជាសម្រាប់ប្រជាជនកម្ពុជាទាំងមូលទាំងនៅទីក្រុង និងជនបទ ក្នុងការសម្រេចចិត្តជ្រើសរើសដៃគូហិរញ្ញវត្ថុដ៏ត្រឹមត្រូវដើម្បីភាពរីកចម្រើនជាមួយគ្នា ហើយក៏អាចបង្កើននូវទំនុកចិត្តកាន់តែប្រសើរឡើងថែមទៀត ពីសំណាក់អតិថិជន និងសាធារណជនទាំងថ្នាក់ជាតិ និងអន្តរជាតិ។

អ្នកនាង មាស សុខសោភា ទូតសុច្ឆន្ទៈរបស់ អិលអូអិលស៊ី(ខេមបូឌា) ក៏បានថ្លែងដែរថា

គួរបញ្ជាក់ដែរថា អិលអូអិលស៊ី គឺជាគ្រឹះស្ថានមីក្រូហិរញ្ញវត្ថុឈានមុខគេមួយនៅក្នុងប្រទេសកម្ពុជា ដែលផ្តល់ជូននូវសេវាហិរញ្ញវត្ថុប្រកបដោយបរិយាបន្ន ដ៏មានទំនុកចិត្តខ្ពស់បំផុតនៅក្នុងប្រទេសកម្ពុជា ដើម្បីបង្កើតនូវលទ្ធផលវិជ្ជមានយូរអង្វែងដល់សហគមន៍ ព្រមទាំងបង្កើតតម្លៃដល់គ្រប់ភាគីពាក់ព័ន្ធ។

អំពីអិលអូអិលស៊ី (ខេមបូឌា)

បច្ចុប្បន្ន អិលអូអិលស៊ី គឺជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើដែលធំជាងគេលំដាប់ទី៣ នៅក្នុងប្រទេសកម្ពុជា បើគិតទៅសមតុល្យប្រាក់បញ្ញើ ផលបត្រឥណទាន និងចំនួនអតិថិជន។ គិតត្រឹមខែវិច្ឆិកា ឆ្នាំ២០២២         អិលអូអិលស៊ី មាន៖

-ទ្រព្យសកម្មសរុប ប្រមាណ ១.៤៧០​ លានដុល្លារអាមេរិក ដែលកើនឡើង ​២០% ធៀបនឹងឆ្នាំ២០២១។​

-ផលបត្រឥណទាន/ប្រាក់កម្ចីអតិថិជន មានចំនួនជាង ១.២៤៨ លានដុល្លារអាមេរិក ដែលកើនឡើងប្រមាណ ​២០% ធៀបនឹងឆ្នាំ២០២១។

-សមតុល្យប្រាក់បញ្ញើរបស់អតិថិជនមានប្រមាណ ៧៦០ លានដុល្លារអាមេរិក ដែលកើនឡើង ៣០% ធៀបនឹងឆ្នាំ២០២១។

-បុគ្គលិកសរុបមានចំនួនជាង​ ៣.៥០០នាក់ ដែលកំពុងបម្រើសេវាឥណទានជូនអតិថិជនប្រមាណ៣៥ ម៉ឺននាក់ និង​បម្រើសេវាប្រាក់បញ្ញើជូនអតិថិជនប្រមាណ៥២ ម៉ឺននាក់៕

សម្រាប់ព័ត៌មានបន្ថែម សូមទាក់ទង៖

❖ផ្នែកទំនាក់ទំនងអតិថិជន៖​023  991 991

❖អ៊ីមែល៖​​​[email protected]

❖ គេហទំព័រ៖ ​​www.lolc.com.kh