ភ្នំពេញ ៖ កាលពីល្ងាចថ្ងៃទី១៦ ខែធ្នូ ឆ្នាំ២០២២ ថ្មីៗកន្លងទៅនេះ នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ បានប្រារព្ធឡើងនូវកម្មវិធីបើកនៃមហោស្រពជាតិភាពយន្តខ្នាតខ្លីកម្ពុជា លើកទី៣ ប្រចាំឆ្នាំ ២០២២ នៅឯសាលមហោស្រពចតុមុខ។
![](https://s9.kh1.co/02/020cff15dce9f13a71bac3ab1a305179007286ab.jpg)
![](https://s9.kh1.co/26/26358f3816d21a94f0ff59439e5d81bbbd49d8c2.jpg)
ក្នុងកម្មវិធី មានការចូលរួមពីភ្ញៀវកិត្តិយសជាច្រើន រួមមាន ឯកឧត្តម លោកជំទាវ អ្នកតំណាងមកពីក្រសួង ស្ថាប័នមួយចំនួន មានផលិតករជើងចាស់ លោកគ្រូអ្នកគ្រូ ដែលជាគណកម្មការដាក់ពិន្ទុ រួមមានសិល្បករ សិល្បការិនី ផលិតករវ័យក្មេង ព្រមទាំងក្រុមហ៊ុនអ្នកឧបត្ថម្ភតូចធំ ជាច្រើនទៀតផងដែរ។
![](https://s9.kh1.co/72/724ea0cb5f7d8ad2ed541697ebd084646ea8fbdb.jpg)
![](https://s9.kh1.co/ea/ea0958b963e0402d12923b8462c4be2a1df13837.jpg)
![](https://s9.kh1.co/22/22b596c75bef3ec5abcc6fc8ca9822d12e09e14a.jpg)
![](https://s9.kh1.co/93/93bc0af07c3511be06c7d54ff4f4fd210479682c.jpg)
ក្នុងនោះដែរ ក៏មានវត្តមានឯកឧត្ដម សោម សុគន្ធ រដ្ឋលេខាធិការប្រចាំការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប: បានឡើងថ្លែងសុន្ទៈកថា បង្ហាញឆន្ទៈយ៉ាងមុះមុត សំដៅចូលរួមគាំទ្រ និងអភិវឌ្ឍវិស័យផលិតភាពយន្តខ្មែរ ឲ្យកាន់តែមានភាពរីកចម្រើនទៅមុខ។
![](https://s9.kh1.co/c1/c154267b2d8e1791c1a82e174acda5bf1826312b.jpg)
ក្រុមហ៊ុន Mediaload មានសេចក្ដីសោមនស្សរីករាយយ៉ាងខ្លាំង ដែលបានចូលរួមឧបត្ថម្ភក្នុងនាមជា Main Sponsor ក្នុងកម្មវិធីដ៏វិសេសវិសាលនេះ ក្រោមវត្តមានរបស់លោក លោកលាង រតនះ ជា Deputy CEO នៃក្រុមហ៊ុន Mediaload Cambodia និងក្រុមការងារ បានអញ្ជើញចូលរួមទស្សនាការសម្ដែង និងការចាក់បញ្ចាំងភាពយន្តខ្នាតខ្លីរបស់កម្ពុជា ដែលធ្លាប់ទទួលបានពានរង្វាន់កាលពីប៉ុន្មានឆ្នាំ ចុងក្រោយមកនេះ។
![](https://s9.kh1.co/c1/c1c23fab92cf0dce427814f9fd3a6be4581f7424.jpg)
![](https://s9.kh1.co/0e/0e219c794e979091cfbe0dd945bdc12e2a2d3f20.jpg)
![](https://s9.kh1.co/f9/f9d03faa7315e3bf64fdcf37fe92f87e5abd28f1.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]