ជាតារាល្បីនឹងគេដែរ ឈិនឡុង បែរជាមិនទទួលបានការសរសើរ ដោយសាររឿងនេះ

ហុងកុង៖ ថ្មីៗនេះ យោងតាម HK01 បានរាយការណ៍ថា តារាសម្ដែង លោក Jackie Chan បានបង្ហាញខ្លួននៅក្នុងកម្មវិធីកម្សាន្តមួយ ខណៈដែលនៅក្នុងនោះ លោក​បាន​ចែករំលែក​បទពិសោធន៍ពី​អាជីពរបស់ខ្លួន ដែលបាន​ចេញទៅ​សម្តែង​ភាពយន្ត​នៅ​បរទេស​ជាមួយ​តារា​វ័យក្មេង​ជាច្រើន​រូប។

ប៉ុន្តែអ្វីដែលសំខាន់ លោក Jackie Chan បានចែករំលែកថា នៅដើមដំបូងនៃការទៅ ហូលីវូដដើម្បីថតកុន រូបលោក ត្រូវបានគេចំអកជាញឹកញយ ចំពោះការបញ្ចេញសំឡេងភាសាអង់គ្លេសមិនល្អរបស់ខ្លួន និងធ្វើឱ្យមានកំហុសកំឡុងពេលសន្ទនាផ្ទាល់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត បើទោះ​បី​ជា​ តារាសម្ដែងរូបនេះ ខំ​ប្រឹង​យ៉ាង​ណា​ក៏​ នៅ​តែ​មិន​ទទួលបានការសរសើរ​ ដែលនេះធ្វើឱ្យតារាសិល្បៈក្បាច់គុនរូបនេះ ហាក់ខកចិត្តនៅពេលដែលផលិតករ និងសាធារណជនអន្តរជាតិ យកចិត្តទុកដាក់តែលើការបញ្ចេញសំឡេងរបស់លោក ជំនួសឱ្យការសម្តែង និងការខិតខំប្រឹងប្រែងរបស់តួសម្តែង នៅមុខកាមេរ៉ា។ 

លើសពី​​នេះ លោក Jackie Chan ក៏​បាន​និយាយ​ថា ​ខ្លួនមិន​ចូល​ចិត្ត​ នៅពេលដែលត្រូវបាន យក​ទៅ​ប្រៀបធៀប​ជាមួយនឹង លោក Bruce Lee នោះទេ ដោយលោកបានគិតថា ម្នាក់ៗសុទ្ធតែមានចំណុចខ្លាំងរៀងៗខ្លួន ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន