ផ្លែឈើបីមុខ ជួយឲ្យស្បែកទន់ម៉ត់រលោង គួរឲ្យចង់ស្ទាបអង្អែល!

ផ្លែឈើសម្បូរទៅដោយសារជាតិចិញ្ចឹមជាច្រើន រួមមានវីតាមីន និងជាតិរ៉ែចាំបាច់សម្រាប់សុខភាពរាងកាយ និងសម្រស់។ ដូច្នេះហើយ ទើបម៉ាសផ្លែឈើ មានគុណប្រយោជន៍ខ្ពស់ ដោយអាចជួយឲ្យស្បែកភ្លឺស្រស់ថ្លា និងទន់រលោង។ ខាងក្រោមនេះ ជារូបមន្តម៉ាសផ្លែឈើងាយៗ ដែលគ្នាយើងអាចសាកល្បងបានដោយខ្លួនឯង។

១. ល្ហុង និងទឹកឃ្មុំ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ល្ហុងផ្ទុកទៅដោយវីតាមីនA និងអង់ស៊ីមដែលជួយជម្រុះកោសិកា និងកម្ចាត់ចោលកោសិកាចាស់ៗ។ ផ្លែឈើមួយប្រភេទនេះ ក៏ជាប្រភពនៃសារធាតុប្រឆាំងនឹងការរលាក ដែលជួយកម្ចាត់មុន កាត់បន្ថយស្លាកស្នាមនៃស្បែក ធ្វើឲ្យស្បែកមានសំណើម និងភ្លឺថ្លា។ គ្នាយើងអាចលាយល្បាយល្ហុងពីរចំណិតដែលកិនម៉ត់ល្អ ជាមួយនឹងទឹកឃ្មុំមួយស្លាបព្រាកាហ្វេ ដោយលាបនៅលើស្បែកមុខ រួចទុកចោលរយៈពេលពី១៥ ទៅ២០នាទី ទើបលាងជម្រះដោយទឹកត្រជាក់។

២. ម៉ាសចេក

ពិតណាស់ ចេកផ្ទុកទៅដោយវីតាមីនB6 វីតាមីនC ប៉ូតាស្យូម និងសារជាតិចិញ្ចឹមផ្សេងទៀត ដែលមានគុណសម្បត្តិជួយឲ្យស្បែកក្មេងជាងវ័យ។ លើសពីនេះ ផ្លែចេកក៏អាចជួយកម្ចាត់ស្នាមជាំ និងការពារស្បែកពីការបំផ្លាញដោយកម្តៅថ្ងៃ។ របៀបធ្វើម៉ាសចេក គឺត្រូវលាយល្បាយចេកដែលកិនម៉ត់កន្លះផ្លែ ទឹកឃ្មុំកន្លះស្លាបព្រាកាហ្វេ និងទឹកក្រូចឆ្មារមួយស្លាបព្រាកាហ្វេ ដោយយកមកលាបនៅលើស្បែក និងទុកចោលរយៈពេលប្រមាណ២០នាទី សឹមលាងជម្រះចេញ។ យ៉ាងណាមិញ សម្រាប់អ្នកដែលមានស្បែកស្ងួត និងងាយប្រតិកម្មមិនគួរប្រើទឹកក្រូចឆ្មារឡើយ។

៣. ម៉ាសសំបកក្រូច

សំបកក្រូចសម្បូរទៅដោយសារធាតុប្រឆាំងនឹងអុកស៊ីតកម្ម ក៏ដូចជាវីតាមីនC ដែលអាចការពារស្បែកពីការបំផ្លាញដោយកម្តៅថ្ងៃ និងជួយឲ្យស្បែកភ្លឺថ្លា។ វិធីធ្វើគឺបកសំបកក្រូចចំនួន៣ផ្លែ ដោយហាន់ឲ្យតូចៗ និងលាងសម្អាតឲ្យស្អាត ទើបហាលថ្ងៃរយៈពេល៣ថ្ងៃ។ បន្ទាប់មក យើងត្រូវកិនឲ្យម៉ត់ល្អ និងរក្សាទុកក្នុងដបដែលស្ងួត រួចលាយសំបកក្រូចចំនួន២ស្លាបព្រាកាហ្វេ ជាមួយនឹងទឹកឃ្មុំចំនួន១ស្លាបព្រាកាហ្វ ព្រមទាំងទឹកដោះគោជូរចំនួន១ស្លាបព្រាបាយ បន្ទាប់មកយកមកលាបលើស្បែក ដោយទុកចោលរយៈពេល២០នាទី ទើបលាងជម្រះចេញ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ផ្លែឈើបីមុខ ជួយឲ្យស្បែកទន់ម៉ត់រលោង គួរឲ្យចង់ស្ទាបអង្អែល!

១. ល្ហុង​ និង​ទឹក​ឃ្មុំ

២. ម៉ាស​ចេក

៣. ម៉ាស​សំបក​ក្រូច

In Case You Missed It

១. ល្ហុង និងទឹកឃ្មុំ

២. ម៉ាសចេក

៣. ម៉ាសសំបកក្រូច