សុខ និដាណាត់ Miss Teen Internationalកម្ពុជា នឹងចេញទៅប្រកួត លើឆាកអន្តរជាតិខែមិថុនានេះ

ភ្នំពេញ៖ អាចនិយាយបានថា កម្មវិធីប្រកួតបវរកញ្ញា Miss Teen International Cambodia បានរៀបចំការប្រកួតឆ្នាំដំបូង ហើយរកឃើញម្ចាស់ជ័យលាភីឯកដល់ទៅពីររូប ដោយកញ្ញា ឌី បញ្ញាវិមាលា គ្រងតំណែង MTIC 2021 ចំណែកកញ្ញា សុខ និដាណាត់ នាងគ្រងតំណែង MTIC 2022។ 

យ៉ាងណាមិញ បើនិយាយដល់បវរកញ្ញាយុវវ័យកម្ពុជា សុខ និដាណាត់ នាងជាក្មេងស្រីមួយរូប ដែលមានទាំងសមត្ថភាព ទេពកោសល្យ ជាមួយនឹងចំណេះដឹងល្អ ហើយនាងក៏អាចប្រើប្រាស់ភាសាអង់គ្លេសបានយ៉ាងស្ទាត់ជំនាញផងដែរ។ លើសពីនេះទៅទៀត ស្របពេលគ្រងតំណែង Miss Teen International Cambodia 2022 គេឃើញបវរកញ្ញារូបនេះ កំពុងហ្វេឹកហាត់ ពង្រឹងសមត្ថភាព ត្រៀមសម្រាប់ចេញទៅប្រកួតលើឆាកអន្តរជាតិនាពេលខាងមុខ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បន្ទាប់ពីរង់ចាំដើម្បីចេញទៅប្រកួតលើឆាក Miss Teen International កញ្ញា សុខ និដាណាត់ បានបង្ហោះបញ្ជាក់ប្រាប់មហាជន និងហ្វេនៗឲ្យបានដឹងជាមុន។ ដោយនាងនឹងចាកចេញទៅប្រកួតលើឆាកអន្តរជាតិ នាខែ មិថុនា​ ឆ្នាំ២០២៣នេះ។ សូមប្រិយមិត្តរង់ចាំតាមដានដំណឹងថ្មីៗបន្តទៀត របស់បវរកញ្ញាយុវវ័យអន្តរជាតិកម្ពុជា ហើយចាំអ៊ុតមើលទាំងអស់គ្នា ថាតើនាងអាចឈ្នះក្លាយជាម្ចាស់ជ័យលាភីលើឆាកប្រកួតមួយនេះ បានឬយ៉ាងណា៕ 

សូមទស្សនារូបភាពខាងក្រោម៖ 

• រូបភាព
• តារាខ្មែរ