ពុលអាហារអំឡុងពេលពពោះគ្រោះថ្នាក់អត់? បង្ការបែបណា?

ប្រព័ន្ធភាពស៊ាំរបស់ស្ត្រីពពោះ អាចចុះខ្សោយជាងធម្មតា ដែលធ្វើឲ្យរាងកាយពិបាកក្នុងការប្រយុទ្ធប្រឆាំងនឹងមេរោគផ្សេងៗនៅក្នុងអាហារ។ ម៉ាក់ៗអាចប្រឈមនឹងការពុលអាហារ នៅពេលដែលញ៉ាំអាហារមានផ្ទុកមេរោគ បាក់តេរី ប៉ារ៉ាស៊ីត ឬសារធាតុគីមីជាក់លាក់។

រោគសញ្ញាពុលអាហារអំឡុងពេលពពោះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជួនកាល មេរោគក្នុងអាហារ អាចធ្វើឲ្យយើងឈឺភ្លាមៗ។ ប៉ុន្តែ ករណីខ្លះទៀត ពពួកមេរោគទាំងនេះ នៅទុំលើរាងកាយជាច្រើនថ្ងៃ ឬច្រើនសប្តាហ៍មុនពេលលេចចេញរោគសញ្ញា។ ជាទូទៅ រោគសញ្ញានៃការពុលអាហារ រួមមាន៖

ចុកពោះ
ក្អួត
រាករូស
កង្វះជាតិទឹក

ជារឿយៗ ការពុលអាហារ អាចមានលក្ខណៈស្រដៀងទៅនឹងជំងឺគ្រុនផ្ដាសាយធំដែរ ពីព្រោះគ្នាយើងអាចមានអាការៈក្តៅខ្លួន ឈឺក្បាល និងឈឺចាប់ពេញរាងកាយ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

គន្លឹះដោះស្រាយបញ្ហាពុលអាហារនៅពេលមានផ្ទៃពោះ

ជាក់ស្តែង ការពុលអាហារ អាចបង្កបញ្ហាធ្ងន់ធ្ងរដល់ទារកក្នុងផ្ទៃ ដែលមិនទាន់មានប្រព័ន្ធភាពស៊ាំរឹងមាំក្នុងការប្រឆាំងនឹងមេរោគផ្សេងៗ ដូចជាកូនកើតមុនខែ កូនមានទម្ងន់ស្រាលនៅពេលសម្រាល ឬរលូតកូន និងកូនស្លាប់ក្នុងផ្ទៃជាដើម។ នៅពេលដែលម៉ាក់មានរោគសញ្ញានៃការពុលអាហារ គួរពិគ្រោះយោបល់ជាមួយនឹងគ្រូពេទ្យភ្លាមៗ និងជៀសវាងប្រើប្រាស់ថ្នាំដោយគ្មានវេជ្ជបញ្ជាត្រឹមត្រូវ។ ក្នុងករណីដែលអាការៈមានសភាពស្រាល យើងគួរសម្រាកឲ្យបានគ្រប់គ្រាន់ និងញ៉ាំទឹកឲ្យបានច្រើន។ ជាមួយគ្នានេះដែរ យើងគួរញ៉ាំអាហារនៅពេលដែលអាការៈក្អួតបានធូរស្បើយទាំងស្រុង។

ពេលណាគួរទៅជួបជាមួយនឹងគ្រូពេទ្យ?

រោគសញ្ញាកង្វះជាតិទឹក ដូចជាស្រេកទឹកខ្លាំង នោមតិច ឬវិលមុខ
ក្អួត ឬរាករូសមិនឈប់
ឈឺពោះធ្ងន់ធ្ងរ
ក្តៅខ្លួនខ្លាំងជាង៣៨អង្សា
លាមកមានឈាម ឬខ្ទុះ
លាមកមានពណ៌ខ្មៅ។

គន្លឹះបញ្ចៀសការពុលអាហារអំឡុងពេលពពោះ

លាងសម្អាតដៃជាមួយសាប៊ូ និងទឹកមុន និងក្រោយពេលញ៉ាំអាហារ
ជៀសវាងញ៉ាំអាហារឆៅ
លាងសម្អាតផ្លែឈើ និងបន្លែមុនពេលញ៉ាំ ឬចម្អិន
ចម្អិនអាហារក្នុងសីតុណ្ហភាពក្តៅខ្លាំង ដើម្បីសម្លាប់មេរោគ
រក្សាទុកអាហារដែលសល់នៅក្នុងទូទឹកកកភ្លាមៗ និងជៀសវាងញ៉ាំអាហារដែលទុកចោលនៅខាងក្រៅ ឬផុតកំណត់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ពុលអាហារអំឡុងពេលពពោះគ្រោះថ្នាក់អត់? បង្ការបែបណា?​​​​​​​​​​​​​​​​​​​​​​​​​​​​​​​​​​

​​​រោគសញ្ញា​ពុល​អាហារ​អំឡុង​ពេល​ពពោះ

​​គន្លឹះ​ដោះស្រាយ​បញ្ហា​ពុល​អាហារ​នៅ​ពេល​មាន​ផ្ទៃពោះ

ពេល​ណា​គួរ​ទៅ​ជួប​ជាមួយ​នឹង​គ្រូពេទ្យ?

គន្លឹះ​បញ្ចៀស​ការ​ពុល​អាហារ​អំឡុង​ពេល​ពពោះ

In Case You Missed It

ពុលអាហារអំឡុងពេលពពោះគ្រោះថ្នាក់អត់? បង្ការបែបណា?

រោគសញ្ញាពុលអាហារអំឡុងពេលពពោះ

គន្លឹះដោះស្រាយបញ្ហាពុលអាហារនៅពេលមានផ្ទៃពោះ

ពេលណាគួរទៅជួបជាមួយនឹងគ្រូពេទ្យ?

គន្លឹះបញ្ចៀសការពុលអាហារអំឡុងពេលពពោះ