ភ្នំពេញ៖ ប្រ៊ែនទឹកអប់អន្តរជាតិល្បីៗរួមមាន ARMANI, PRADA, VIKTOR & ROLF បានឈានជើងចូលទីផ្សារកម្ពុជា ជាផ្លូវការហើយតាមរយៈការដាក់តាំងបង្ហាញផលិតផលទឹកអប់របស់ខ្លួនក្នុងព្រឹត្តិការណ៍តាំងបង្ហាញដ៏ពិសេសមួយប្រព្រឹត្តទៅនៅល្ងាចថ្ងៃទី 21 ខែធ្នូ ឆ្នាំ 2022 នៅជាន់ផ្ទាល់ដីនៃផ្សារទំនើប Exchange Square ក្នុងរាជធានីភ្នំពេញ។
រីករាយទទួលយកទឹកអប់ដែលជះក្លិនក្រអូបស្រស់ស្រាយក្នុងបរិយាកាសដ៏ប្រណីត ប៊្រែនទឹកអប់ ARMANI, PRADA, VIKTOR & ROLF បានឈានជើងចូលទីផ្សារប្រទេសកម្ពុជា ជាផ្លូវការហើយ នេះគឺជាឱកាសដ៏ល្អសម្រាប់អ្នកនិយមចូលចិត្តប្រើប្រាស់ទឹកអប់ អាចសាកល្បងប្រើប្រាស់ទឹកអប់ទាំងនេះដើម្បីទទួលបាននូវរសនិយមថ្មី និងបង្កើនភាពជឿជាក់លើខ្លួនឯង។ ដើម្បីអបអរការដាក់សម្ពោធប៊្រែនអន្តរជាតិល្បីៗទាំងនេះក្នុងប្រទេសកម្ពុជា ព្រឹត្តិការណ៍ដាក់តាំងបង្ហាញទឹកអប់នេះនៅផ្សារទំនើបនៃអគារ Exchange Square នឹងបន្តរហូតដល់ថ្ងៃទី 20 ខែកុម្ភៈ ឆ្នាំ 2023។
ដោយសារទឹកអប់ប្រណីតប៊្រែនល្បីៗទទួលបានការពេញនិយមកាន់តែច្រើនឡើងក្នុងទីផ្សារកម្ពុជាការដាក់សម្ពោធផលិតផលទឹកអប់ទាំងនេះទទួលបានការចាប់អារម្មណ៍យ៉ាងខ្លាំងទាំងស្តង់ដាក់តាំងបង្ហាញដែលត្រូវបានរចនាឡើងយ៉ាងប្រណីតទាក់ទាញរួមជាមួយទឹកអប់ដែលមានគុណភាពខ្ពស់ផងដែរ។ពិធីដាក់តាំងបង្ហាញនេះក៏មានការចូលរួមពីភ្ញៀវពិសេសៗជាច្រើនដែលមានឱកាសបានស្វែងយល់ស៊ីជម្រៅអំពីប៊្រែនទឹកអប់នីមួយៗ និងយល់ដឹងពីចំណង់ចំណូលចិត្តរបស់ខ្លូនទៅលើក្លិនទឹកអប់ផងដែរ។
នៅក្នុងការដាក់តាំងបង្ហាញនេះ អតិថិជនអាចសាកល្បងប្រើប្រាស់ទឹកអប់ប៊្រែនល្បីទាំង 3 នេះ និងស្វែងរកក្លិនដែលខ្លួនចូលចិត្តបានដោយសេរី។ ខូឡិចសិនដ៏ពិសេសនេះរួមមានទឹកអប់ម៉ាក Armani My Way, Prada Candy ក៏ដូចជា Viktor & Rolf Flowerbomb និង Viktor & Rolf Spicebomb ផងដែរ។
ក្រៅពីអាចស្វែងយល់ពីម៉ាកទឹកអប់ល្បីៗផ្សេងៗគ្នាក្នុងពេលតែមួយនេះ អតិថិជននឹងទទួលបាននូវបទពិសោធន៍ដ៏ពិសេសគ្មានពីរជាមួយនឹងកន្លែងលក់រាយ ដែលត្រូវបានរចនាឡើងយ៉ាងប្រណីតអស្ចារ្យព្រមទាំងទទួលបានការណែនាំពីអ្នកជំនាញប្រឹក្សាផ្នែកសម្រស់ដ៏ស្រស់សោភា នៅក្នុងការជ្រើសរើសក្លិនទឹកអប់ដ៏ល្អឥតខ្ចោះស័ក្ដិសមនឹងអ្នកផងដែរ។
អតិថិជនអាចមកទស្សនាការដាក់តាំងបង្ហាញនេះបានចាប់ពីថ្ងៃទី 23 ខែធ្នូ ឆ្នាំ 2022 ដល់ថ្ងៃទី 20 ខែកុម្ភៈ ឆ្នាំ 2023។
ការដាក់សម្ពោធប៊្រែនទឹកអប់ល្បីៗទាំង 3
ARMANI
គ្រប់ផ្នែកទាំងអស់នៃអាណាចក្រសម្រស់ Armani Beauty របស់លោក Giorgio Armani ដែលជាអ្នកជំនាញច្នៃម៉ូតជនជាតិអ៊ីតាលី សុទ្ធតែសម្រិតសម្រាំងដោយប្រកាន់ខ្ជាប់នូវគោលការណ៍ស៊ីវិល័យថ្លៃថ្នូរដែលឆ្លុះបញ្ចាំងពីបុគ្គលិកលក្ខណៈរបស់គាត់។ បង្កើតឡើងជាមួយនឹងភាពស៊ីវិល័យថ្លៃថ្នូរ និងភាពសាមញ្ញ Armani Beauty មានបំណងជួយលើកកម្ពស់ធ្វើយ៉ាងណាឱ្យមនុស្សម្នាទូទាំងពិភពលោកកាន់តែមានមន្តស្នេហ៍ទាក់ទាញ។
ទឹកអប់ប៊្រែនមួយនេះត្រូវបានផលិតឡើងយ៉ាងសម្រិតសម្រាំង ចេញពីសារធាតុផ្សំល្អៗបំផុតក្នុងពិភពលោកទៅតាមការស្រមើស្រមៃប្រកបដោយភាពច្នៃប្រឌិតរបស់ក្រុមអ្នកជំនាញផលិតទឹកអប់ដ៏មានទេពកោសល្យបំផុត ដោយបង្កប់នូវប្រណីតភាពគ្មានគូប្រៀប ស្របតាមគោលគំនិតរបស់លោក Giorgio Armani ដែលផ្ដោតយកចិត្តទុកដាក់ខ្លាំងលើភាពលម្អិតផ្ចិតផ្ចង់ ការជ្រើសយកនូវវត្ថុធាតុដើមធម្មជាតិ និងការគោរពឱ្យតម្លៃធម្មជាតិ។
PRADA
ប៊្រែន Prada ត្រូវបានបង្កើតឡើងនៅទីក្រុង Milan ក្នុងឆ្នាំ 1913 ហើយបច្ចុប្បន្នបានក្លាយជាប៊្រែនមួយក្នុងចំណោមប៊្រែនដ៏ល្បីល្បាញ និងមានឥទ្ធិពលបំផុតក្នុងពិភពលោក។
ប៊្រែន Prada ដែលតំណាងឱ្យការបន្តរុករក និងការច្នៃបង្កើតថ្មីឥតឈប់ឈរ បានច្រានចោលនូវទស្សនៈចាស់គំរឹល និងអ្វីដែលនៅដដែលគ្មានការផ្លាស់ប្ដូរ ហើយតែងតែធ្វើអ្វីឈានមុខគេជាមួយនឹងគោលការណ៍គុណភាព ភាពស៊ីវិល័យថ្លៃថ្នូរ បញ្ញាញាណ និងសេរីភាពពិសោធន៍ប្រកបដោយការច្នៃប្រឌិត។
ដោយត្រូវបានផលិតឡើងដោយគំនិតច្នៃប្រឌិតថ្មីៗពោរពេញដោយសិល្បៈជាមួយនឹងនវានុវត្ដន៍ដ៏អស្ចារ្យ ទឹកអប់ Prada ជាប៊្រែនដ៏ពិសេសដែលឆ្លុះបញ្ចាំងពីរសនិយមរបស់អ្នកប្រើប្រាស់។
Viktor & Rolf
Viktor & Rolf គឺជាហាងច្នៃម៉ូតលំដាប់ប្រណីតដែលកំពូលអ្នកច្នៃម៉ូតជនជាតិហូឡង់ ពីររូបឈ្មោះ Viktor Horsting និង Rolf Snoeren បានបង្កើតឡើងក្នុងឆ្នាំ 1993 ហើយត្រូវបានទទួលស្គាល់ និងគោរពស្ញប់ស្ញែងយ៉ាងខ្លាំងដោយសារស្នាដៃម៉ូតសម្លៀកបំពាក់ Haute Couture គំនិតច្នៃប្រឌិតដ៏សម្បូរបែបរបស់ខ្លួន។
ដោយផ្អែកលើគោលគំនិតដូចគ្នាទៅនឹងការច្នៃម៉ូតសម្លៀកបំពាក់របស់ខ្លួន ប៊្រែនទឹកអប់ Viktor & Rolf ត្រូវបានផលិតឡើងដោយឆ្លងកាត់បច្ចេកទេសចម្រាញ់យ៉ាងល្អិតល្អន់ ដើម្បីទទួលបាននូវក្លិនក្រអូបបែបថ្មីពិសេសគ្មានគូប្រៀបដោយនឹកស្មានមិនដល់។ ខូឡិចសិនពីរដែលកំពុងទទួលបានការពេញនិយមខ្លាំងបំផុតគឺទឹកអប់ Viktor & Rolf Spicebombក្លិនបែបឈើ ទាក់ទាញសម្រាប់សុភាពបុរស និង Viktor & Rolf Flowerbomb សម្រាប់សុភាពនារីដែលមានក្លិនក្រអូបដូចផ្កា បង្កើនការជឿជាក់ ធ្វើឱ្យអារម្មណ៍កាន់តែស្រស់ស្រាយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
