មូលហេតុចម្បងដែលនាំឲ្យក្រចកប្រែទៅជាពណ៌លឿង អាចបណ្តាលមកពីការលាបថ្នាំក្រចកច្រើនជ្រុល ឬថែទាំក្រចកមិនត្រឹមត្រូវ។ យ៉ាងណាមិញ ប្រសិនបើគ្នាយើងប្រឈមនឹងបញ្ហាក្រចកឡើងពណ៌លឿង និងស្រអាប់មិនភ្លឺរលោង អាចដោះស្រាយតាមវិធីងាយៗខាងក្រោមនេះ។
១. ត្រាំក្រចកនៅក្នុងទឹកក្រូចឆ្មារ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សច្របាច់ក្រូចមួយផ្លែទៅក្នុងចានគោម ដោយបន្ថែមទឹកត្រជាក់បន្តិច រួចត្រាំម្រាមដៃនៅក្នុងទឹកនោះរយៈពេលពីរបីនាទី។ បន្ទាប់មក ទុកឲ្យស្ងួតសិន ទើបលាងសម្អាតដៃធម្មតា។ ធ្វើបែបនេះ អាចជួយឲ្យក្រចកភ្លឺរលោង និងកម្ចាត់ជាតិពណ៌ចេញពីក្រចក។
២. ប្រើវីតាមីនE
ជាមួយគ្នានេះដែរ យើងក៏អាចប្រើអាហារបំប៉នដែលផ្ទុកវីតាមីនE ដើម្បីកម្ចាត់បញ្ហាក្រចកលឿង។ ក្រៅពីនេះ ការម៉ាស្សាក្រចកជាមួយនឹងប្រេងអាល់ម៉ុនដែលសម្បូរទៅដោយវីតាមីនE ក៏មានអត្ថប្រយោជន៍ជួយកម្ចាត់ស្នាមពណ៌លឿងនៃក្រចកដូចគ្នា។
៣. ប្រើថ្នាំដុសធ្មេញ
វិធីសាស្ត្រមួយទៀត គឺលាបថ្នាំដុសធ្មេញស្តើងនៅលើក្រចក ដោយទុកចោលរយៈពេលប្រហែល១០នាទី។ ក្រោយមក យកច្រាស់ដុសធ្មេញ ឬច្រាស់ដុសក្រចក មកត្រដុសលើក្រចកថ្នមៗ ដើម្បីឲ្យក្រចកភ្លឺថ្លាឡើងវិញ។ ចុងក្រោយ គ្នាយើងត្រូវប្រើសំឡីជូតមុខសើម មកសម្អាតក្រចកឲ្យបានស្អាតល្អ។
៤. គន្លឹះថែទាំអនាម័យក្រចក
- ម៉ាស្សាក្រចកដៃ និងក្រចកជើងជាមួយប្រេងអូលីវម្តងក្នុងមួយសប្តាហ៍ ដើម្បីឲ្យក្រចកមានសុខភាពល្អ និងភ្លឺរលោង
- កាត់តម្រឹមក្រចកជាទៀងទាត់
- ប្រើសេរ៉ូមក្រចក
- ជៀសវាងប្រើថ្នាំលាបក្រចកដែលមានពណ៌ដិតខ្លាំង
- ជៀសវាងខាំក្រចក
- លាងសម្អាតដៃឲ្យបានត្រឹមត្រូវ នៅពេលដៃកខ្វក់
- ទុកឲ្យក្រចកស្ងួត និងស្អាតល្អ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
