មិនទាន់ឃើញកោះត្រើយមែន តែAnniversary ១១ឆ្នាំ សង្សារនាង នៅតែឲ្យនាងរំភើប

ថៃ៖ គឺជាគូស្នេហ៍ដ៏ល្បីមួយគូនៅក្នុងវិស័យសិល្បៈកម្សាន្តថៃ ដែលបណ្ដាហ្វេនៗចូលចិត្តតាមដានមិនចាញ់គូស្នេហ៍ដទៃផ្សេងទៀត រវាងតារាស្រី Yaya និង លោក Nadech ដែលអ្នកទាំងពីរបានសាងទំនាក់ទំនងដ៏ផ្អែមល្ហែមជាច្រើនឆ្នាំមកនេះ រហូតធ្វើឲ្យអ្នកគាំទ្រកំពុងរងចាំពីដំណឹងល្អរបស់អ្នកទាំងពីរ។

ដោយឡែក ថ្មីៗនេះ តារាស្រី Yaya ស្រាប់តែបានចេញមកទាញយកចំណាប់អារម្មណ៍ទស្សនិកជនជាខ្លាំង ក្រោយពីបានបើកបង្ហើប អំពី​ពេល​វេលា​ដ៏​ល្អូកល្អើនរបស់ខ្លួន និងគូស្នេហ៍ ជាមួយនឹង​​ដំណើរ​ទៅ​កម្សាន្ត ​នៅ​ប្រទេស​ស្វីស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យយកចិត្តទុកដាក់នោះគឺ តារាស្រីរូបនេះ បានបង្ហាញនៅក្នុងបទសម្ភាសន៍ថា គូស្នេហ៍របស់ខ្លួន លោក Nadech បានធ្វើការភ្ញាក់ផ្អើលយ៉ាងពិសេសដល់នាង ដោយបានជូនខ្សែកពេជ្រជាកាដូ ក្នុងឱកាសគម្រប់ខួបស្នេហ៍ ១១ឆ្នាំ​។ ជាពិសេស នាងថែមទាំងបានបញ្ជាក់ទៀតថា ខ្សែកពេជ្រមួយនេះ គូស្នេហ៍របស់នាង លោក Nadech បានចេញម៉ូតដោយខ្លួនឯងសម្រាប់នាង ដែលធ្វើឲ្យតារាស្រីរូបនេះ ពេញចិត្តជាទីបំផុត៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ