ភ្នំពេញ៖ ទីបំផុតបវរកញ្ញាវ័យក្មេងកម្ពុជា២រូប គង់ ច័ន្ទណារីយ៉ា និង ឆដា មុនីនាថ បានវិលត្រឡប់មកកាន់មាតុប្រទេសវិញហើយ កាលពីថ្ងៃអង្គារ ទី០៧ ខែកុម្ភៈ ឆ្នាំ២០២៣ កន្លងទៅនេះ បន្ទាប់ពីបានបញ្ចប់ការប្រកួតបវរកញ្ញាវ័យក្មេងលើឆាកអន្តរជាតិ នៅឯប្រទេសម៉ាឡេស៊ី។
អ្វីដែលរឹតតែពិសេស និងអស្ចារ្យនោះ គឺថា បវរកញ្ញាវ័យក្មេងកម្ពុជាទាំងពីររូបនេះ បាននាំយកមកុដជ័យលាភីមកកាន់ប្រទេសកម្ពុជាទាំងពីរនាក់តែម្តង។ ដោយក្នុងនោះ គង់ ចន័្ទណារីយ៉ា បានទទួលដំណែងជា Winner Miss Teen Global 20223 ខណៈឯ ឆដា មុនីនាថ វិញ បានទទួលដំណែងជា Winner Little Miss Global 2023 ។
ស្ថិតក្នុងវ័យត្រឹមតែ ១២ និង ១៣ឆ្នាំប៉ុណ្ណោះ យុវតីវ័យក្មេង និងជាបវរកញ្ញាវ័យក្មេងកម្ពុជា ចន័្ទណារីយ៉ា និង មុនីនាថ ពោរពេញដោយទេពកោសល្យ សមត្ថភាព ចំណេះដឹង និងរូបសម្រស់ ជាពិសេស ការប្រើប្រាស់ភាសាអង់គ្លេសបានយ៉ាងល្អតែម្តង។
ជួបជាមួយនឹង គង់ ចន័្ទណារីយ៉ា Miss Teen Global 2023 ផ្ទាល់ នៅឯអាកាសយាន្ដដ្ឋានអន្តរជាតិភ្នំពេញ នាងបានបង្ហាញចំណាប់អារម្មណ៍ថា នាងពិតជារំភើបសប្បាយរីករាយជាខ្លាំង ដោយមានការគាំទ្រស្វាគមន៍យ៉ាងកក់ក្ដៅ និងច្រើនកុះករ ពីសំណាក់មហាជន ទាំងនៅខាងក្រៅ និងនៅលើបណ្តាញសង្គម។ ការគាំទ្រយ៉ាងច្រើននេះហើយ ជាចំណែកមួយដែលធ្វើឲ្យនាងទទួលបាន Award Social Media ថែមទៀតផង។
នេះអាចចាត់ទុកបានថា ជាមោទកភាពមួយ ដែលមានធនធានជាយុវតីវ័យក្មេង តំណាងឲ្យកម្ពុជា ទៅប្រកួតនៅលើឆាកអន្តរជាតិ ដោយទទួលបាននូវសមិទ្ធផលល្អ កាន់តែធ្វើឲ្យពិភពលោកស្គាល់កម្ពុជាកាន់តែច្បាស់ជាមុន។
មិនខុសគ្នាប៉ុន្មានពី គង់ ចន័្ទណារីយ៉ា បវរកញ្ញាវ័យក្មេង Little Miss Global 2023 ឆដា មុនីនាថ វិញ ក៏បានបង្ហាញចំណាប់អារម្មណ៍របស់ខ្លួនដែរថា នាងក៏មានជំនឿជឿជាក់ទៅលើការប្រកួត នៅឆាកអន្តរជាតិ នាប្រទេសម៉ាឡេស៊ីនោះផងដែរ។ ដោយរូបនាង បានត្រៀមខ្លួនរួចជាស្រេច ទាំងការវឹកហាត់សមការដើរ ការឆ្លើយសំណួរ អាកប្បកិរិយា និងសកម្មភាព ឬ Talent ជាច្រើនផ្សេងទៀត។
ជាមួយគ្នានេះ លោក អ៊ិន វិចិត្រ នាយកប្រតិបត្តិ ក្រុមហ៊ុន Mediaload ដែលបានរៀបចំកម្មវិធីប្រឡងបវរកញ្ញាវ័យក្មេងកម្ពុជានេះឡើង ក៏បានមានប្រសាសន៍ដែរថា៖
លើសពីនេះ លោកបន្តថា ក្រៅពីវិស័យបវរកញ្ញា នៅថ្ងៃអនាគតលោកក៏នឹងមានគម្រោងធ្វើកម្មវិធីប្រឡងចម្រៀង ដោយផ្តោកខ្លាំងទៅលើយុវវ័យ ដើម្បីប្រកួតប្រជែងក្នុងទីផ្សារជាតិ និងអន្តរជាតិថែមទៀតផង៕
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
