foodpanda និងហាងជាដៃគូធ្វើកម្មវិធីសប្បុរសធម៌រួមគ្នា ដើម្បីចែករំលែកក្ដីស្រលាញ់ និងស្នាមញញឹមទៅកាន់មន្ទីរពេទ្យកុមារគុន្ធបុប្ផា និងកុមារកម្ពុជា នៅថ្ងៃនៃក្ដីស្រលាញ់ និងដើម្បីអបអរខួប ៣ឆ្នាំរបស់ខ្លួន!

ភ្នំពេញ៖ ក្រុមហ៊ុន foodpanda បានធ្វើឲ្យថ្ងៃបុណ្យនៃក្ដីស្រលាញ់កាន់តែពិសេស និងពោរពេញទៅដោយភាពកក់ក្ដៅមួយនឹងការធ្វើកម្មវិធីសប្បុរសធម៌មួយឡើងនៅឯមន្ទីរពេទ្យកុមារគន្ធបុប្ផា ដែលចំនឹងថ្ងៃទី១៤ ខែកុម្ភៈ ឆ្នាំ២០២៣។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចដែលបានដឹងមកហើយថា foodpanda គឺជាក្រុមហ៊ុនដឹកជញ្ជូនអាហារឈានមុខគេមួយនៅក្នុងព្រះរាជាណាចក្រកម្ពុជា ហើយក៏តែងតែចូលរួមសកម្មភាពក្នុងសង្គម ដែលជួយដល់សង្គមកម្ពុជាមួយទាំងមូលជាប្រចាំផងដែរ។ ដោយថ្ងៃទី១៤ ខែកុម្ភៈ ដែលត្រូវនឹងថ្ងៃនៃក្ដីស្រលាញ់ និងអបអរខួបខួប៣ឆ្នាំរបស់ខ្លួនផងនោះ foodpanda បានសហការជាមួយហាងជាដៃគូជាច្រើនហាង ធ្វើការបរិច្ចាគជាសាច់ប្រាក់ចំនួន ១២,០០០,០០០រៀល ឬស្មើនឹង ៣,០០០ដុល្លាអាមេរិក រួមជាមួយនិងចំណីអាហារ និងសម្ភារៈប្រើប្រាស់ជាច្រើនមួយចំនួនទៀតដូចជា៖

-       ទឹកពិសា ​VITFRESH ចំនួន ៣០ កេះ

-       ឈុតបាយប្រអប់ចំនួន ១០០ ប្រអប់

-       ភីស្សាចំនួន ១៩២ ប្រអប់

-       បឺហ្គឺចំនូន ៥០ ឈុត

-       ភេសជ្ជៈចំនួន ៦០ កែវ

-       កាហ្វេចំនូន ២៥០ កែវ

-       តែគុជចំនួន ២៥០ កែវ

-       សម្ភារៈប្រើប្រាស់របស់កុមារចំនួន១៩ប្រភេទ ស្មើនិង៣២០មុខ មានដូចជា៖ សាប៊ូកក់សក់ សាប៊ូដុះខ្លួន ក្រដាស់សើម ថ្មាំដុះធ្មេញ ខោទឹកនោមកូនក្មេង ។ល។

-       ម៉ាសចំនួន ១,៤០០ ប្រអប់​​

កម្មវិធីសប្បុរសធម៌ចែករំលែកក្តីស្រលាញ់នេះត្រូវបានចូលរួមឧបត្ថមគាំទ្រពីហាងជាដៃគូរបស់ខ្លួនរួមមាន៖ ផ្សារទំនើប ហេង ឆាយ លី, Domino’s Pizza, Pasta Corner, 1 Duck, 1 Burger & Fried Chicken, បាយកូលាប, Da Yungs, KOI Thé, Tube Central, Tube Coffee, និង Yellow Cab Pizza។

តំណាងរបស់ក្រុមហ៊ុនfoodpanda លោក កាន់ ឈុនណាត និងជាប្រធានផ្នែកទំនាក់ទំនង មានប្រសាសន៍ថា កម្មវិធីសប្បុរសធម៌នេះ ធ្វើឡើងដើម្បីចែករំលែកក្តីស្រលាញ់ និងស្នាមញញឹមទៅកាន់កុមារកម្ពុជា និងជាពិសេសក្នុងថ្ងៃនៃក្ដីស្រឡាញ់នេះ ថែមទាំងជាការជួយជ្រោមជ្រែង និងគាំទ្រទៅដល់ប្រតិបត្តិការប្រចាំថ្ងៃរបស់មន្ទីរពេទ្យកុមារគន្ធបុប្ផាផងដែរ។

លោក កាន់ ឈុនណាត ក៏សូមថ្លែងអំណរគុណដល់សប្បុរសជនទាំងអស់ ជាពិសេសម្ចាស់ហាងជាដៃគូដែលបានចូលរួមឧបត្ថម្ភគាំទ្រកម្មវិធីសប្បុរសធម៌ប្រចាំឆ្នាំមួយនេះ និងសូមប្រសិទ្ធពរជ័យដល់សប្បុរសជន និងម្ចាស់ហាងជាដៃគូទាំងអស់ទាំងអស់ទទួលបាននូវសុខភាពល្អ និងភាពជោគជ័យក្នុងអាជីវកម្មបន្ថែមទៀត។

សម្រាប់ព័ត៌មានបន្ថែមសូមទំនាក់ទំនង មកកាន់គេហទំព័ររបស់ក្រុមហ៊ុន foodpanda https://www.foodpanda.com.kh ឬ ទាញយក App តាម​រយៈ App Store និង Google Pay សូមប្រើលេខកូដ “HELLOPANDA” ដើម្បីទទួលបានអត្ថប្រយោជន៍ជាច្រើនពី foodpanda ។

• វីដេអូ