គ្រឿង​អលង្ការ​​បុរាណ​ខ្មែរ​ធ្វើ​ពី​ថ្ម និង​សំរឹទ្ធ​ ​ដែលទុកនៅអង់គ្លេស​រាប់​ឆ្នាំ នឹង​​ត្រលប់​មក​ ​ទឹកដីកំណើតវិញ!

បរទេស៖ កាលពីថ្មី ៗនេះ គ្រឿង​អលង្ការ​បុរាណ​ខ្មែរ​​ធ្វើ​អំពី​ថ្ម និង​សំរឹទ្ធ​ទាំង​ ៧៧ គ្រឿង​ ដែល​រក្សា​ទុក​ដោយ​ក្រុម​គ្រួសារ​របស់​លោក ឡាតហ្វត នឹង​ត្រលប់​មក​កាន់​ទឹក​ដី​កម្ពុជា​វិញ នេះបើតាមការចេញផ្សាយ របស់ក្រសួងវប្បធម៌ និងវិចិត្រសិល្បៈ។

យ៉ាងណាមិញ ការយកមកត្រលប់វិញ ជាមួយនឹង គណៈប្រតិភូ ក្រោមការដឹងនាំ  ឯក​ឧត្តម ហ៊ុន ម៉ានី និង​មន្ត្រី​ជំនាញ​កម្ពុជា ចូលរួមក្នុងបេសកកម្មជាប្រវត្តិសាស្ត្រ ក្នុងការដង្ហែរមកវិញនូវ គ្រឿងអលង្ការបុរាណខ្មែរ ដែលជារតនវត្ថុដ៏មានតម្លៃវិសេសវិសាល និងជាផ្នែកមួយការយាងត្រឡប់មកវិញនៃដួងព្រលឹងបុព្វបុរសខ្មែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការវិលត្រឡប់មកវិញ នៃគ្រឿងអលង្ការបុរាណខ្មែរ ដែលជារតនវត្ថុដ៏មានតម្លៃវិសេសវិសាល ប្រកបដោយភាពជោគជ័យនេះ បានឆ្លុះបញ្ចាំងពីកត្តាសុខសន្តិភាព ដែលកម្ពុជាសម្រេចបានមកដល់ពេលនេះ ដែលយើងអាចមានឱកាសជាបន្តបន្ទាប់ក្នុងការសិក្សា​ស្រាវជ្រាវស្វែងរកកេតនភណ្ឌជាតិត្រឡប់មកវិញ៕

ប្រភព៖ FB: Hun Many 

សូមទស្សនារូបភាពខាងក្រោម៖