ទៅកោះកុងឆ្នាំក្រោយ ជិះយន្តហោះទៅក៏បាន! ព្រលានយន្ដហោះតារាសាគរ បើកដំណើរការ ពាក់កណ្ដាលឆ្នាំក្រោយនេះហើយ

ភ្នំពេញ៖ អាកាសយានដ្ឋានអន្ដរជាតិតារាសាគរ ស្ថិតក្នុងស្រុកបុទុមសាគរ ខេត្តកោះកុង នឹងបើកការហោះហើរខ្លួនជាផ្លូវការ នៅពាក់កណ្ដាលឆ្នាំ២០២៣នេះ ដោយមិនពន្យារពេលទៀតនោះឡើយ នេះបើតាម លោកស្រី មិថុនា ភូថង អភិបាលខេត្តកោះកុង ។

តាមរយៈ ការធ្វើសន្និសីទសារព័ត៌មានស្ដីពី «ភាពជោគជ័យរយៈពេល៥ឆ្នាំ របស់រដ្ឋបាលខេត្តកោះកុង» របស់អង្គភាពអ្នកនាំពាក្យរាជរដ្ឋាភិបាល លោកស្រី មិថុនា ភូថង បានលើកឡើង បញ្ជាក់ថា បច្ចុប្បន្ននេះអាកាសយានដ្ឋានអន្ដរជាតិតារាសាគរ បានសាងសង់រួចរាល់ទាំងស្រុង ១០០ ភាគរយហើយ រង់ចាំតែពេលវេលាបើកការហោះហើរប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

​បន្ថែមពីណោះ អាកាសយានដ្ឋានអន្តរជាតិតារាសាគរ ស្ថិតក្នុងស្រុកបុទមសាគរ ខេត្តកោះកុង ជាវិនិយោគដោយក្រុមហ៊ុនចិន Union Development Group ​ក្នុងទំហំទឹកប្រាក់ ២០០ លានដុល្លារ (ដំណាក់កាលទី១) ជាការវិនិយោគសម្រាប់គាំទ្រ ដល់ពហុបំណង វិស័យទេសចរណ៍ ដោយបម្រើឲ្យតែវិស័យទេសចរណ៍ និងជំនួញប៉ុណ្ណោះ។

ជាចុងក្រោយអាកាសយានដ្ឋាននេះ មានសមត្ថភាពផ្តល់ការចុះចតប្រភេទយន្តហោះលំដាប់4E បាន ដូចជាយន្តហោះប្រភេទ Boeing-777 និង Airbus A-340/A-350៕

ប្រភព៖ freshnewsasia

សូមទស្សនារូបភាពខាងក្រោម៖