អាហារទាំងនេះសម្បូរវីតាមីន B12 ជួយដល់មុខងារប្រព័ន្ធប្រសាទ!

វីតាមីន B12 គឺជាវីតាមីន ដែលរលាយក្នុងទឹក មានអត្ថប្រយោជន៍ចំពោះសុខភាពយ៉ាងខ្លាំង ពិសេសជួយដល់មុខងារប្រព័ន្ធប្រសាទ ការផលិត DNA ការបង្កើតកោសិកាគ្រាប់ឈាមក្រហម ជួយឲ្យស្បែកភ្លឺ ជំនួយភ្នែក និងជួសជុលមុខងារខូចខាតរបស់ខួរក្បាលឲ្យល្អប្រសើរឡើងវិញ។

ជាមធ្យមរាងកាយត្រូវការ វីតាមីន B12 ១,៤ មីក្រូក្រាមក្នុងមួយថ្ងៃប៉ុន្ដែអាចតិច ឬច្រើនជាងនេះ អាស្រ័យលើស្ថានភាពតម្រូវការជាក់ស្ដែង។ តួយ៉ាងសម្រាប់ស្ដ្រីមានផ្ទៃពោះ អាចត្រូវការច្រើនជាងនេះបន្ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

វីតាមីន B12 ត្រូវបានស្រូបយកពីរបបអាហារដោយការលាយផ្សំនឹងប្រូតេអ៊ីនម្យ៉ាងនៅក្នុងក្រពះឈ្មោះថា intrinsic factor។ សារធាតុនេះភ្ជាប់ទៅនឹងម៉ូលេគុលវីតាមីន B12 និងជួយឲ្យឈាម និងកោសិកាអាចស្រូបយកទៅប្រើប្រាស់។

វីតាមីន B12 ដែលស្រូបបានពីរបបអាហារត្រូវបានរក្សាទុកក្នុងថ្លើម ប្រសិនបើយើងប្រើមិនអស់នោះវានឹងអាចរក្សាទុកប្រើនៅពេលក្រោយទៀត។ យើងអាចរកបាន វីតាមីន B12 មាននៅរបបអាហារដូចជា៖

Continue Reading

• គ្រឿងក្នុងសត្វ
• សាច់គោ
• អាហារសមុទ្រ
• ត្រីទឹកសាប
• ស៊ុត
• ពពួកផលិតផលទឹកដោះជាដើម។

តើរបបអាហារយើងបានញ៉ាំប្រចាំថ្ងៃអាចផ្ដល់វីតាមីន គ្រប់គ្រាន់សម្រាប់រាងកាយដែរទេ?

បើយោងតាមការចុះផ្សាយរបស់ សេវាកម្មសុខភាពជាតិនៃប្រទេសអង់គ្លេស (NHS)បានឲ្យដឹងថា ប្រសិនបើរបបអាហារដែលយើងបានញ៉ាំរាល់ថ្ងៃមានទៅដោយពពួកសាច់ ត្រី ផលិតផលទឹកដោះគោ ជាប្រចាំនោះរាងកាយរបស់យើងអាចទទួលបានវីតាមីន B12 គ្រប់គ្រាន់។ ប៉ុន្ដែចំពោះរបបអាហារមួយចំនួន ដូចជាពពួកបន្លែធម្មជាតិ ផ្លែឈើ គឺមិនអាចផ្ដល់វីតាមីន B12 គ្រប់គ្រាន់នោះទេ ព្រោះវីតាមីនប្រភេទនេះមានចំនួនតិចបំផុតក្នុងផ្លែឈើ ឬបន្លែ តែមាននៅក្នុងសាច់ច្រើន។ ដូច្នេះវាគឺជាបញ្ហាធំបំផុតសម្រាប់អ្នកដែលតបសាច់ ញ៉ាំតែបន្លែ អាចប្រឈមបញ្ហាកង្វះវីតាមីនB12នេះ។

ប្រសិនបើរាងកាយរបស់យើងខ្វះវីតាមីន B12 អាចបង្ហាញរោគសញ្ញាដូចជា៖

• ឆាប់អស់កម្លាំងខ្លាំង
• កង្វះថាមពល
• អណ្តាតឡើងច្រាំង
• ដំបៅមាត់
• ខ្សោយសាច់ដុំ
• ឆាប់ស្រវាំងភ្នែក
• ងាយកើតស្ដ្រេស
• ថប់បារម្

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet

• អាហារ