អគ្គិភ័យ លេ.បត្រ.បា.ក់រោងចក្រកាត់ដេរមួយកន្លែង បណ្ដាលឱ្យសម្ភារៈខូចទាំងស្រុង

ភ្នំពេញ៖ តាមរយៈការបង្ហោះនៅលើផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៅវេលាម៉ោង​ ៣​រសៀល​ កាលពីថ្ងៃទី០៦​ ខែមីនា​ ឆ្នាំ២០២៣ មានករណីអគ្គីភ័យ​​មួយកន្លែងបានកើតឡើងនៅចំណុច រោងចក្រតុងហ្វាងឈីងអុី ភូមិត្រពាំងជ្រៃ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ។

ជាក់ស្តែង ចំពោះមូលហេតុក្នុងការឆេះ កំពុង​បន្ត​ការ​ស្រាវជ្រាវ​ ថាមកពីអ្វី ដែលបណ្តាលឲ្យ មានការខូចខាតសម្ភារៈឆេះសំភារះក្នុងរោងចក្រអស់ទាំងស្រុងនឹងរាលដាលទៅរោងចក្រក្បែរខាងបន្តិចបន្តួច តែជាសំណាងល្អ គ្នាអ្នកស្លាប់​ ក៏ដូចជា គ្មានជនរងគ្រោះ​រងរបួសនោះទេ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងហេតុនេះ កងកម្លាំង​អន្តរាគមន៍​បង្ការ​ពន្លត់​អគ្គិភ័យ​ និងសង្គ្រោះ​ បានប្រើប្រាស់​រថយន្តការិយា​ល័យ​អគ្គិភ័យ​ចំនួន​ ២១​ គ្រឿង ប្រេីប្រាស់ទឹកអស់ចំនួន ៨៤​ រថយន្ត​ ស្មើរនឹង ៣៣៦​ ម៉ែត្រគូបដូច្នេះដែរ៕

សូមទស្សនារូបភាពខាងក្រោម៖

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ