ធនាគារ ស្ថាបនា និងដៃគូសហការរៀបចំកម្មពិធីប្រគល់សញ្ញាបត្រជូនដល់សិក្ខាកាម និងអបអរភាពជោគជ័យនៃវគ្គបណ្តុះបណ្តាល «ខ្ញុំមានចំណេះដឹងផ្នែកហិរញ្ញវត្ថុ»!

រាជធានីភ្នំពេញ៖ ធនាគារ ស្ថាបនា ដែលជាធនាគារពាណិជ្ជឈានមុខគេនៅប្រទេសកម្ពុជា បានរៀបចំកម្មពិធីប្រគល់សញ្ញាបត្រ ដើម្បីអបអរសាទរដល់សិក្ខាកាមចំនួន ១២៩នាក់ ដែលបានបញ្ចប់វគ្គសិក្សា «ខ្ញុំមានចំណេះដឹងផ្នែកហិរញ្ញវត្ថុ» ដែលប្រព្រឹត្តឡើងនៅអគារស្ថាបនា កាលពីថ្ងៃទី០១ ខែមីនា ឆ្នាំ២០២៣។ វគ្គបណ្តុះបណ្តាលនេះ គឺ ជាចក្ខុវិស័យវែងឆ្ងាយដែលធនាគារ ស្ថាបនា បានផ្តួចផ្តើម ​ និងកំពុងសហការជាមួយដៃគូអាជីវកម្ម ដើម្បីផ្តល់សេវាកម្មមិនមែនហិរញ្ញវត្ថុ ដែលអាចឆ្លើយតបទៅតាមតម្រូវការ និងផ្តល់ដំណោះស្រាយដល់ម្ចាស់មីក្រូសហគ្រាស សហគ្រាសធុនតូច និងមធ្យម ជាពិសេសស្ត្រីក្នុងវិស័យអាជីវកម្ម។ ​ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កម្មពិធីនេះប្រារព្ធឡើងក្រោមវត្តមានដ៏ខ្ពង់ខ្ពស់របស់លោក ហ្វុង កៃ ជីន ប្រធាននាយកប្រតិបត្តិនៃធនាគារ ស្ថាបនា  ឯកឧត្ដមបណ្ឌិត ឈៀង វណ្ណមុនិណ្ឌ នាយកប្រតិបត្ដិសហគ្រិនខ្មែរ លោក Wong Keet Loong អគ្គនាយកសាជីវកម្មធានាឥណទានកម្ពុជា លោក ព្រូ ស៊ីថន នាយកគ្រប់​គ្រង​​នាយកដ្ឋានភាពជាដៃគូក្នុងការចែកចាយ នៃ ក្រុមហ៊ុន មេនូឡាយហ្វ៍ ខេមបូឌា និងកញ្ញា ជេននីហ្វឺ​ លី នាយិកាប្រតិបត្តិអភិវឌ្ឍន៍នៃធនាគារស្ថាបនា។

វគ្គបណ្តុះបណ្តាល «ខ្ញុំមានចំណេះដឹងផ្នែកហិរញ្ញវត្ថុ» បានបង្កើតក្នុងឆ្នាំ ២០២២ ដែលមានការចូលរួមសហការពីដៃគូអាជីវកម្មដែលមានចក្ខុវិស័យដូចគ្នាដូចជា៖ សហគ្រិនខ្មែរ សាជីវកម្មធានាឥណទានកម្ពុជា និងក្រុមហ៊ុន មេនូឡាយហ្វ៍ ខេមបូឌា។ វគ្គបណ្តុះបណ្តាលនេះ គឺ​បង្កើតឡើងក្នុងគោលបំណងដើម្បីលើកកម្ពស់ និងផ្តល់ចំណេះដឹងផ្នែកហិរញ្ញវត្ថុឱ្យកាន់តែប្រសើរឡើងសម្រាប់សហគ្រិនស្ត្រីនៅក្នុងមីក្រូសហគ្រាស សហគ្រាសធុនតូច និងមធ្យម ដោយផ្តល់ឱកាសបណ្តាញទំនាក់ទំនងអាជីវកម្ម និងវគ្គបណ្តុះបណ្តាលដូចជា ការគ្រប់គ្រងគម្រោង ការគ្រប់គ្រងហិរញ្ញវត្ថុ ទីផ្សារ ជំនាញលក់ និងវគ្គសិក្សាជាច្រើនទៀត។

លោក ហ្វុង កៃ ជីន ប្រធាននាយកប្រតិបត្តិធនាគារ ស្ថាបនា បានមានប្រសាសន៍ថា៖ 

នៅក្នុងកម្មវិធី​នេះផងដែរ ធនាគារ ​ស្ថាបនា​ បាន​ផ្ដល់ជូន​នូវវគ្គ​បណ្ដុះ​បណ្ដាល​ចំនួន ៥វគ្គ​ ដោយមានអ្នកចូលរួមជា​ម្ចាស់​អាជីវកម្ម​ជាង ១៥០ នាក់។ ទន្ទឹមនឹងនេះធនាគារ ស្ថាបនា ពិតជាមានសេចក្តីសោមនស្សរីករាយក្នុងការបង្កើតវគ្គបណ្តុះបណ្តាលបែបសហគមន៍មួយ ដែលអាចឱ្យសហគ្រិនស្ត្រីមានឱកាសជួបជុំគ្នាដើម្បីសិក្សា និងបង្កើតបណ្តាញទំនាក់ទំនង។ ជាងនេះទៅទៀត វគ្គ​បណ្ដុះ​បណ្ដាលនេះបានផ្តល់នូវដំណោះស្រាយដើម្បឆ្លើយតបទៅនឹងឧបសគ្គធំៗមួយចំនួនរបស់សហគ្រិនស្ត្រីឱ្យបន្ត ឬពង្រីកអាជីវកម្មរបស់ពួកគាត់។​    

កញ្ញា ជេននីហ្វឺ​ លី នាយិកាប្រតិបត្តិអភិវឌ្ឍន៍នៃធនាគារ ស្ថាបនា បានមានប្រសាសន៍ថា៖

អំពីធនាគារ ស្ថាបនា

ធនាគារ ស្ថាបនា គឺជាធនាគារពាណិជ្ជឈានមុខគេមួយនៅកម្ពុជា ដែលមានទ្រព្យសកម្មសរុបជាង ២,៤ ពាន់លានដុល្លារអាមេរិក និងមានបុគ្គលិកជាង ៤.៤០០នាក់។ យើងមានបណ្តាញសាខាយ៉ាងទូលំទូលាយនៅទូទាំងប្រទេសដែលមានសាខាជាង ១៧០សាខា ស្ថាបនា ព្រីមារណ៍ចំនួន ៣ និងម៉ាស៊ីនអេធីអឹមជាង ៣០០។ យើងផ្តល់ជូនសេវាធនាគារយ៉ាងពេញលេញដូចជា៖ សេវាឥណទាន សេវាដាក់ប្រាក់បញ្ញើ សេវា iBanking ធនាគារចល័ត ប័ណ្ណឥណពន្ធ និងប័ណ្ណឥណទាន សេវាផ្ទេរប្រាក់ក្នុងស្រុក និងក្រៅប្រទេស សេវាផ្ទេរប្រាក់ឆ្លងប្រទេសងជាមួយ SWIFT និងសេវា Visa B2B Connect Western Union ហិរញ្ញប្បទានពាណិជ្ជកម្ម និងសេវាហិរញ្ញវត្ថុផ្សេងទៀត។  

ក្រៅពីនេះ យើងក៏មានផ្តល់ជូនសេវាប្រមូលពន្ធ និងសេវាទូទាត់ថ្លៃសេវាសាធារណៈជាមួយក្រសួងសាធារណការ និងដឹកជញ្ជូន និងក្រសួងការងារ និងបណ្តុះបណ្តាលវិជ្ជាជីវៈ។ ទន្ទឹមនឹងនេះ យើងក៏មានការសហការជាមួយក្រុមហ៊ុនផ្តល់សេវាទូទាត់ចល័តផ្សេងទៀតដូចជា ៖ វីង ផាយផេ ទ្រូម៉ាន់នី លី ហួរ វេលុយ អ៊ីម៉ាន់នី និងបាគង ដើម្បីផ្តល់ជូនភាពងាយស្រួលបន្ថែមទៀតដល់អតិថិជនរបស់យើង។  

ថ្មីៗនេះធនាគារ ស្ថាបនា ទើបតែទទួលបានពានរង្វាន់  Best Mobile Banking App ឆ្នាំ២០២២ និង Mobile Banking & Payment Initiative of the Yearពីទស្សនាវដ្ដី Global Brands Magazine  របស់ប្រទេសអង់គ្លេស និង Asian Banking & Finance Retail Banking Awards សម្រាប់កម្មវិធីស្ថាបនា ម៉ូបាល រចនាបទថ្មី ដែលផ្ដល់នូវសេវាកម្មរហ័ស ងាយស្រួល និងសុវត្ថិភាពជាងមុនជូនដល់អតិថិជន។ ពានរង្វាន់ទាំងពីរនេះគឺជាសក្ខីភាពបង្ហាញពីកិច្ចខិតខំប្រឹងប្រែង និងការប្ដេជ្ញាចិត្តរបស់យើងដើម្បីបម្រើអតិថិជនឱ្យបានកាន់តែល្អប្រសើរ។