ពុទ្ធោ! សំបុត្រ ការ​ប្រគំ​តន្ត្រី​នៅតៃវ៉ាន់​របស់ BLACKPINK លក់ដល់ទៅ១៣,០០០ដុល្លារ

តៃវ៉ាន់៖ ដូចប្រិយមិត្ត អ្នកគាំទ្រ ដឹងហើយថា​ការទិញសំបុត្រប្រគុំតន្ត្រីទៅកាន់សកម្មភាព K-pop ដូចប្រហែលជាពិបាកថ្វីត្បិតយើងត្រូវចំណាយលុយហើយ មិនប្រាកដថានឹងទទួលបាននោះទេ ជាពិសេសក្នុងការទទួលបានសំបុត្រចូលទស្សនាការប្រគុំតន្ត្រី BTS ឬ BLACKPINK តែម្តង។

ជាក់ស្តែង BLACKPINK បានចាប់ផ្តើមដំណើរទេសចរណ៍ពិភពលោក «BORN PINK« របស់ពួកគេកាលពីឆ្នាំមុន ហើយពួកគេកំពុងធ្វើដំណើរជុំវិញពិភពលោកជាមួយនឹងការសម្តែងបទចម្រៀងល្បីៗរបស់ពួកគេ។ សប្តាហ៍ក្រោយ BLACKPINK នឹងធ្វើដំណើរទៅតៃវ៉ាន់សម្រាប់កម្មវិធីចំនួនពីរនៅ Kaoshiung នៅថ្ងៃទី ១៨ ខែមីនា និងថ្ងៃទី ១៩ ខែមីនា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកគាំទ្រតម្រង់ជួរយ៉ាងលឿននៅលើអនឡាញ ដើម្បីយកសំបុត្រចូលរួម ប៉ុន្តែសំបុត្រចូលទស្សនាកម្មវិធី Kaohsiung របស់ BLACKPINK លក់អស់ក្នុងរយៈពេលប៉ុន្មាននាទី។ តម្លៃដើមនៃសំបុត្រគឺចាប់ពី ២,៣០០ ដុល្លារតៃវ៉ាន់ថ្មី (ប្រហែល​៧៤.៧៨ ដុល្លារ) ដល់ ៨,៨០០  (ប្រហែល ៣៨៦.១២ ដុល្លារ)។

ប៉ុន្តែបន្ទាប់ពីសំបុត្រត្រូវបានលក់អស់ភ្លាម ៗ នោះ ឈ្នួលកណ្តាល ក៏បានចាប់ផ្តើមដាក់លក់សំបុត្រក្នុងតម្លៃខ្ពស់រហូតដល់ ៤សែនដុល្លារតៃវ៉ាន់ (ប្រហែល ១៣,០០០ដុល្លារអាមេរិក)។

ជាមួយនឹងតម្លៃសំបុត្រឡើងខ្ពស់ ក្រសួងវប្បធម៌តៃវ៉ាន់បានប្រកាសថា ខ្លួននឹងចាត់វិធានការប្រឆាំងនឹងអ្នកទាំងនោះទាំងនេះ ហើយនឹងដាក់ពីន័យ នេះយោងតាមកាសែត Korea Times ក្រសួងវប្បធម៌តៃវ៉ាន់បាននិយាយថា ពួកគេបានរៀបចំកិច្ចប្រជុំជាច្រើនរួចហើយដើម្បីដោះស្រាយបញ្ហានេះ។

លើសពីនេះ សណ្ឋាគារជុំវិញ Kaoshiung ក៏បានដំឡើងតម្លៃយ៉ាងច្រើនផងដែរ ក្នុងការទន្ទឹងរង់ចាំការប្រគុំតន្ត្រីរយៈពេលពីរយប់មួយទៀតផង៕

ប្រភព៖ Allkpop

• តារាកូរ៉េ