អ្នកចង់ទៅលេងជប៉ុនកាន់តែស្រួលហើយ! ក្រោយជប៉ុនអនុញ្ញាត ឲ្យភ្ញៀវទេសចរកម្ពុជា ប្រើទិដ្ឋាការ អេឡិចត្រូនិច

ភ្នំពេញ៖ កាលពីថ្ងៃទី១៧ ខែមីនា ឆ្នាំ២០២៣ កន្លងទៅនេះ យោងតាម ក្រសួងទេសចរណ៍ បានជូនដំណឹងអំពីការដាក់ឱ្យប្រើប្រាស់នូវទិដ្ឋាការអេឡិចត្រូនិចរបស់ប្រទេសជប៉ុន សម្រាប់ភ្ញៀវទេសចរកម្ពុជា ដែលមានបំណងធ្វើដំណើរកម្សាន្តទៅប្រទេសជប៉ុនក្នុងរយៈពេល៩០ថ្ងៃ។

ក្នយងនោះដែរ យោងលិខិតលេខ ១១១ AJ/Con ចុះថ្ងៃទី២០ ខែកុម្ភៈ ឆ្នាំ២០២៣ របស់ស្ថានទូតជប៉ុនប្រចាំនៅកម្ពុជា និងដីកាបញ្ជួនលេខ៤៥៦ កបទ.សអ/ច្បក៦ ចុះថ្ងៃទី៦ ខែមីនា ឆ្នាំ២០២៣ របស់ក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងតាមរយៈកិច្ចសហប្រតិបត្តិការក្នុងភាពជាដៃគូ យុទ្ឋសាស្ត្រគ្រប់ជ្រុងជ្រោយរវាងកម្ពុជា-ជប៉ុន ក្រសួងទេសចរណ៍មានកិត្តិយស សូមជម្រាបជូនសមាគម ទេសចរណ៍ ផ្នែកឯកជន ស្ថាប័នពាក់ព័ន្ឋ និងសាធារណជនទូទៅឱ្យបានជ្រាបថា ចាប់ពីថ្ងៃទី២៧ ខែមីនា ឆ្នាំ២០២៣ រដ្ឋាភិបាលជប៉ុន នឹងដាក់ឱ្យប្រើប្រាស់ប្រព័ន្ឋទិដ្ឋាការអេឡិចត្រូនិច (JAPAN E-VISA System) សម្រាប់ភ្ញៀវទេសចរកម្ពុជាដែលធ្វើដំណើរទៅទស្សនាប្រទេសជប៉ុន ក្នុងរយៈពេលមិនលើសពី ៩០ថ្ងៃ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖ Technology Cambodia

សូមទស្សនារូបភាពខាងក្រោម៖

• រូបភាព