រកឯណាបាន១១ឆ្នាំមិនប្រែ! សារអបអរខួបកំណើត Mark ឡើងស្វីត គ្មានរំលងមួយឆ្នាំ

ថៃ៖ ដូចដែលបានជ្រាបមកហើយថា គូស្នេហ៍ដ៏ពេញនិយមនៅក្នុងសិល្បៈកម្សាន្ត រវាង តារាស្រី Kimberley និងលោក Mark Prin កាន់តែមានភាពផ្អែមល្ហែម ស្របពេលដែលអ្នកទាំងពីរបានត្រៀមរួចជាស្រេច ក្នុងការរៀបការសាងគ្រួសារជាមួយគ្នា ក្នុងពេលឆាប់ៗនេះ។

ដោយឡែក បើក្រឡេកមកមើលពីការចាប់ផ្ដើមសាងស្នេហ៍ដំបូងៗ មកទល់នឹងពេលនេះ ឃើញថា គូស្នេហ៍របស់តារាប្រុសស្រីទាំងពីររូបនេះ គឺនៅតែមានភាពល្អូកល្អើនមិនផ្លាស់ប្ដូរ បើទោះបីជាបានកន្លងផុតទៅរយៈពេលជាច្រើនឆ្នាំក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍នៅក្នុងទំនាក់ទំនងរបស់អ្នកទាំងពីរ ត្រូវបានហ្វេនៗ បើកបង្ហាញពីរឿងមួយ នៅក្នុងឱកាសពិសេស នៃថ្ងៃកំណើតរបស់តារាប្រុស Mark គេឃើញថា Kimberley បានបង្ហោះសារជូនពរ អបអរខួបកំណើតទៅដល់លោក នៅលើបណ្ដាញសង្គមចាប់តាំងពីឆ្នាំ ២០១២ រហូតមកដល់ឆ្នាំ ២០២៣ គ្មានចន្លោះសូម្បីតែមួយឆ្នាំ ក្នុងរយៈពេលខ្ទង់ ១១ឆ្នាំទៅនេះ។ ហើយនេះ គឺជារឿងដ៏គួរឲ្យរំភើប សម្រាប់អ្នកគាំទ្រជាច្រើនដូចគ្នា បន្ទាប់ពីបានឃើញទំនាក់ទំនងរបស់អាយដល មានភាពស្អិតរមួត មិនបានផ្លាស់ប្ដូរ នោះឡើយ៕

ប្រភព៖ Home Markim Cambodia

សូមទស្សនារូបភាពខាងក្រោម៖

• រូបភាព
• តារាថៃ