ឈ្នានីសណាស់! សារព័ត៌មានថៃបែរជាថា ខ្មែររៀបចំខ្វះកន្លែងស្នាក់ឲ្យកីឡាករ ទាំងដែលការពិតនៅសល់រាប់ភ្លេច (មានវីដេអូ)

ភ្នំពេញ៖ ចាប់តាំងពីប្រទេសកម្ពុជាទទួលសិទ្ធិជាម្ចាស់ផ្ទះ រៀបចំកម្មវិធីប្រកួតកីឡាអាស៊ីអាគ្នេយ៍ SEA Game ២០២៣ ដោយបានដកវិញ្ញាសា MuayThai និងដាក់បញ្ចូលវិញ្ញាសាគុនខ្មែរវិញ បានបង្កនូវរឿងរ៉ាវចម្រូងចម្រាសជាច្រើន ដោយខាងភាគីថៃ មិនសុខចិត្ត បង្ហោះដំណឹងក៏ដូចជាព័ត៌មានមិនចេះចប់ពីបញ្ហាផ្សេងៗ ផងដែរ។ 

ដោយឡែក ថ្មីៗនេះ ខណៈដែលកម្មវិធីប្រកួតកីឡាជិតនឹងឈានចូលមកដល់ហើយនោះ ស្រាប់តែខាងសារព័ត៌មានថៃ បានចុះផ្សាយក៏ដូចជាបានលើកឡើងថា ប្រទេសកម្ពុជា អាចនឹងរៀបចំទីកន្លែងស្នាក់នៅមិនគ្រប់នោះទេ ពោលគឺបានតែពាក់កណ្ដាលតែប៉ុណ្ណោះ ក្រៅពីនោះ កីឡាករត្រូវតែរកកន្លែងស្នាក់នៅ ឬសណ្ឋាគារដោយខ្លួនឯង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យយកចិត្តទុកដាក់បំផុតនោះគឺ សារព័ត៌មានថៃ បានបន្តលើកឡើងថា គម្រោងដែលខាងកម្ពុជា លើកឡើងថានឹងរៀបចំកន្លែងទទួលកីឡាករឲ្យស្នាក់នៅប្រមាណាជាង ៦០០០ កន្លែងនោះ គឺមិនពិតនោះទេ ចុងក្រោយហេតុអ្វីនៅសល់តែ ៣៥០០ កន្លែង បើបានត្រឹមតែ ៥០០០ កន្លែង ក៏អស់ចិត្តដែរ តែនេះបាត់អស់សឹងតែពាក់កណ្ដាលទៅហើយ។ 

យ៉ាងណាមិញ ចំពោះការឆ្លើយតបទៅនឹងព័ត៌មានបែបនេះ ក៏ចង់បញ្ជាក់ថា មកទល់នឹងពេលនេះ ភូមិកីឡាដែលនឹងត្រៀមទទួលប្រតិភូកីឡា និងអត្តពលិក សម្រាប់កីឡាអាស៊ីអាគ្នេយ៍លើកទី ៣២ និងកីឡាអាស៊ានប៉ារ៉ាហ្គេម លើកទី១២ បានប្រារព្ធពិធីគ្រងពាលី ព្រមទាំងសម្ភោធដាក់ឲ្យប្រើប្រាស់ជាផ្លូវការនៅល្ងាចថ្ងៃទី ២០ ខែមេសា ឆ្នាំ២០២៣ កន្លងទៅនេះ ដែលមាន ៣៧០០គ្រែ ស្ថិតនៅក្នុងពហុកីឡាដ្ឋានជាតិមរតកតេជោ ដែលទីនេះនឹងផ្ដល់ជាទីកន្លែងស្នាក់នៅ សម្រាប់អត្តពលិក អាជ្ញាកណ្ដាល ចៅក្រម និងប្រតិភូកីឡា ដែលចូលរួមនៅក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ និងអាស៊ានប៉ារ៉ាហ្គេមលើកទី១២ ។

ដោយឡែក នៅមានសណ្ឋាគារចំនួន ១១ កន្លែងទៀត នៅក្នុងរាជធានីភ្នំពេញ ដែលនឹងត្រូវបានរៀបចំជូនសម្រាប់អត្តពលិក មន្ត្រី និងប្រតិភូកីឡាស្នាក់នៅ ដែលស្ថិតនៅជិតពហុកីឡាដ្ឋានជាតិ មជ្ឈមណ្ឌលសន្និបាត និងពិពណ៌អន្តរជាតិជ្រោយចង្វារ ពោលគឺខាង កម្ពុជា បានរៀបចំយ៉ាងយកចិត្តទុកដាក់ មិនមែនដូចអ្វីដែលខាងសារព័ត៌មានថៃ បានចុះផ្សាយនោះឡើយ៕

ប្រភពតិកតុក៖ គុនយុទ្ធក្រមខម/Yut Kram Kham

សូមទស្សនារូបភាពខាងក្រោម៖ 

@doungxvzgpe តួឈ្នានីសថៃ ដូចយើងតែងតែឃើញក្នុងរឿងភាគថៃ ឆ្ងល់ណាស់ ប្រទេជឿនលឿនមួយនេះកំពុងគិតអី។ លុយរាប់លានខ្មែរហ៊ានចំណាយ ហេតុអ្វីគ្រាន់តែការស្នាក់នៅខ្មែរធ្វើមិនបាន? បីកញ្ចប់ដែលខ្មែរផ្តល់ឲ្យ នៅមិនអាចឲ្យប្រទេសឈ្នានីសមួយនេះនៅស្ងាមទៀត។ មកមួលបង្កាច់ខ្មែររហូត។ Credit: Sem Rotana #វប្បធម៌ខ្មែរ???? #khmer #គុនល្បុក្កតោ #គុនខ្មែរ #seagame2023 #laos #vietnam #thailand #myanmar #គុនល្បុក្កតោខ្មែរ ♬ original sound - គុនយុទ្ធក្រមខម/Yut Kram Kham

• រូបភាព