មហាជននាំគ្នាសរសើរ អ្នកទស្សនាបាល់ទាត់យប់មិញ ក្រោយចប់ការប្រកួត នៅពហុកីឡាដ្ឋានជាតិ គ្មានសំរាមទេ

ភ្នំពេញ៖ អាចនិយាយបានថា កាលពីយប់មិញត្រូវនឹងថ្ងៃទី ២៩ ខែ មេសា ឆ្នាំ ២០២៣ ជាថ្ងៃបើកវគ្គប្រកួតផ្នែកវិញ្ញាសារកីឡាបាល់ទាត់ ក្នុងព្រឹត្តិការណ៍កីឡាអាស៊ីអាគ្នេយ៍ (Sea Game)។

ហើយអ្វីដែលគួរឲ្យចាប់អារម្មណ៍នោះ ក្នុងការប្រកួតនេះក៏មានមហាជនចូលទៅទស្សនាដោយផ្ទាល់ នៅពហុកីឡាដ្ខានជាតិយ៉ាងច្រើនកុះករផងដែរ។ លើសពីនេះទៅទៀត អ្នកទៅទស្សនាទាំងអស់បានរក្សាសណ្ដាប់ធ្នាប់យ៉ាងល្អ ហើយថែមបង្ហាញនូវស្នាមញញឹម ភាពរីករាយ និងបានស្រែកហ៊ោផ្ដល់កម្លាំងចិត្តដល់កីឡាករយ៉ាងពេញទំហឹង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ស្របពេលការប្រកួតកីឡាចប់ គេសង្កេតឃើញថាទិដ្ឋភាពកន្លែងអង្គុយតាមជួរនីមួយៗ នៅតែស្អាតល្អមិនមានសំរាម ដូចជាដបទឹក កំប៉ុង កែវទឹកនោះឡើយ។ ហើយនេះអាចបញ្ជាក់បានថា ប្រជាជនខ្មែរពិតជាបានរក្សានូវមុខមាត់ប្រទេសជាតិបានយ៉ាងល្អ ខណៈកម្ពុជាគឺជាម្ចាស់ផ្ទះនៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមលើកទី៣២ ក្នុងឆ្នាំ២០២៣នេះ៕ 

សូមទស្សនារូបភាពខាងក្រោម៖

• រូបភាព
• Sea Game