មើលហើយរំភើបជំនួស ទស្សនាការប្រកួត Miss Teen Internatinalកម្ពុជា២០២៣ វគ្គប្រកួតបឋម យប់មិញ (មានវីដេអូ)

ភ្នំពេញ៖ គ្រាន់តែនិយាយដល់កម្មវិធីប្រកួតបវរកញ្ញាយុវតីអន្តរជាតិកម្ពុជា ច្បាស់ណាស់ប្រិយមិត្តជាច្រើនប្រាកដជាបានស្គាល់។ ដោយកម្មវិធីមួយនេះ កំពុងផ្ទុះការគាំទ្រខ្លាំងពីសំណាក់ទស្សនិក ជាពិសេសពីមិត្តៗយុវវ័យតែម្ដង។ 

យ៉ាងណាមិញ កម្មវិធី Miss Teen International Cambodia បានបើកការប្រកួតអស់ជាច្រើនវគ្គ និងបានជម្រុះបេក្ខនារីជាច្រើននាក់ផងដែរ។ លើសពីនេះទៅទៀត បេក្ខនារីដែលអាចមានឱកាសមកកាន់វគ្គ Preliminary Show សុទ្ធតែជាបេក្ខនារីដែលមានសមត្ថភាព ចំណេះដឹងល្អ និងរូបសម្រស់ស្រស់សោភា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីយប់ថ្ងៃទី២៩ ខែ មេសា ឆ្នាំ ២០២៣​គឹជាថ្ងៃប្រកួតវគ្គ Preliminary ដែលធ្វើឡើងនៅទីតាំងផ្សារទំនើប Aeon Mall សែនសុខ។ បើក្រឡេកមើលបេក្ខនារីបង្ហាញខ្លួនជាមួយវិញ្ញាសារប្រកួតនៅលើឆាក គេឃើញបេក្ខភាពម្នាក់ៗ ពិតជាបានបង្ហាញខ្លួនជាមួយនឹងការដើរយ៉ាងស្អាត។

ជាពិសេស រូបសម្ផស្សបេក្ខនារីគ្រប់រូបសុទ្ធតែស្រស់ស្អាត មានភាពទាក់ទាញរៀងៗខ្លួនផងដែរ។ ក្នុងចំណោមបេក្ខនារីជាច្រើនរូបរបស់ Miss Teen Internatinal Cambodia គឺមានតែបេក្ខនារី៤០រូបប៉ុណ្ណោះដែលមានឱកាសជាប់ទៅវគ្គបន្ត។ 

គួរបញ្ជាក់ផងដែរថា កាលពីយប់មិញនេះពីកម្មវិធីបានប្រកាសឈ្មោះបេក្ខនារីត្រឹមតែ២០រូបប៉ុណ្ណោះ ចំណែក២០រូបផ្សេងទៀត នឹងបង្ហោះនៅលើផេកផ្លូវការរបស់ Miss Teen International Cambodia នាពេលឆាប់ៗនេះ៕ 

សូមទស្សនារូបភាព និងវីដេអូ​ខាងក្រោម៖ 

• វីដេអូ
• រូបភាព