ពិធីសម្ពោធភាពយន្ត​រន្ធត់រឿង «ថ្នាក់ ១២ ង» ​របស់ផលិតកម្ម LD មានការចូលរួមយ៉ាងច្រើនកុះករ​ពីតារាសម្តែង និង​ទស្សនិកជនជាច្រើននាក់!

ភ្នំពេញ៖ កាលពីយប់មិញនេះ កម្មវិធីសម្ពោធ និងការចាក់បញ្ចាំងខ្សែភាពយន្តរឿង «ថ្នាក់ ១២ ង» បានដំណើរការទៅយ៉ាងរលូន ដោយមានការចូលរួមយ៉ាងច្រើនកុះករពីសំណាក់តារាសម្តែង សិល្បករ​-សិល្បការិនី ព្រមទាំងទស្សនិកជនជាច្រើនរូប។ ហើយភ្ញៀវកិត្តិយសម្នាក់ៗ ក៏បានតុបតែងខ្លួន​ដូចកាល​រៀន​នៅវិទ្យាល័យម្ដងទៀតផងដែរ សំខាន់ក៏មានការរៀបចំ​តុ និង​កៅអីអង្គុយមើល​កម្មវិធី​ ដូចទិដ្ឋភាពអង្គុយ​នៅក្នុងថ្នាក់រៀនពិតៗតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយក្រៅពីវត្តមានសិល្បករ​-សិល្បការិនី និងទស្សនិកជន ចូលរួមសម្ពោធខ្សែភាពយន្តរន្ធត់ ព្រឺព្រួច រឿង «ថ្នាក់ ១២ ង» ក៏មានការចូលរួមពីសំណាក់ CEO  និងថ្នាក់ដឹកនាំល្បីៗរបស់ផលិតកម្ម LD និងក្រុមហ៊ុនឌ្រីមធីមផងដែរ ដែលរួមមានដូចជា៖ 
- លោក អ៉ិន វិចិត្រ Mr. In Vichet នាយកប្រតិបត្តិក្រុមហ៊ុន Mediaload និងស្ថាបនិកក្រុមហ៊ុន DreamTeam

- លោក លៀក លីដា Mr. Leak Lyda នាយកប្រតិបត្តិ LD និងអ្នកដឹកនាំរឿង ថ្នាក់ 12E

- លោក លាង រតនៈ Mr. Leang Rottnak នាយកប្រតិបត្តិក្រុមហ៊ុន DreamTeam និង នាយករងក្រុមហ៊ុន Mediaload

- លោក នួន ម៉ូលីន Mr. Nuon Molin អ្នកនិពន្ធរឿង ថ្នាក់ទី១២E

- លោក ង៉ោ សាង Mr. Ngor Sang ម្ចាស់ក្រុមហ៊ុន NanoSound

គួរបញ្ជាក់ផងដែរថា ពិធីសម្ពោធជាផ្លូវការរបស់រឿង «ថ្នាក់ ១២ ង» បានប្រព្រឹត្តធ្វើឡើងយ៉ាងអធិកអធមនៅរោងភាពយន្ត លេជេន ខេម៉ល កាលពីថ្ងៃទី 02 ខែឧសភា កន្លងទៅនេះ។

តោះ ចង់ដឹងថា ភាពយន្ត​រន្ធត់​ថ្មីមួយទៀត​ពីផលិតកម្ម LD រឿង «ថ្នាក់ ១២ ង» មានឈុតឆាកបែបព្រឺឆ្អឹងខ្នង និងលស់ព្រលឹងខ្លាំងយ៉ាងណានោះ កុំភ្លេចមកទស្សនាទាំងអស់គ្នា ដោយនឹងមានចាក់បញ្ចាំងនៅគ្រប់រោងភាពយន្តចាប់ពីថ្ងៃទី 04 ខែឧសភា ឆ្នាំ២០២៣ នេះតទៅ៕

• ភាពយន្ត