អ្នកខំដើម្បីជាតិ ប៉ះអ្នកលើកទឹកចិត្តដើម្បីជាតិ! បើបានមេដាយមាសជូនជាតិ ប៊ូសស្ត្រងនឹងជូនផ្ទះ ព្រំ សំណាង ១ល្វែង!

ភ្នំពេញ៖ គ្រប់ទឹកហើយពេលនេះកីឡាករគុនខ្មែរ ព្រំ សំណាង ដោយក្រុមហ៊ុនភេសជ្ជៈប៉ូវកម្លាំងចិត្តល្អ BOOSTRONG នឹងជូនផ្ទះថ្មីមួយល្វែងដល់កីឡាករ ព្រំ សំណាង ប្រសិនបើរូបលោកអាចឈ្នះមេដាយមាសផ្នែកគុនខ្មែរជូនប្រទេសជាតិថ្ងៃខាងមុខនេះបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រឹងឡើងកីឡាករ ព្រំ សំណាង នេះជាការលើកទឹកចិត្តដ៏ធំមហិមាតែមួយគត់ដើម្បីកីឡាករគុនខ្មែរ ដើម្បីមោទនភាពជាតិយើងទាំងអស់គ្នា បើ ព្រំ សំណាង អាចធ្វើបានមែននោះ នេះជាការលើកទឹកចិត្តដ៏ធំទី២ហើយរបស់ក្រុមហ៊ុនចិត្តល្អប៊ូសស្ត្រង បន្ទាប់ពីលើកមុនធ្លាប់ផ្ដល់ជូនឡានស្ព័រថ្មីខ្លាញ់គោរួចមកហើយ ហើយពេលនេះគឺនឹងផ្ដល់រង្វាន់លើកទឹកចិត្តនូវផ្ទះថ្មី១ល្វែងបន្ថែមទៀត។

នេះគឺដោយសារតែ BOOSTRONG ចង់ឲ្យពិភពលោកស្គាល់គុនខ្មែរកាន់តែច្បាស់ ចង់លើកស្ទួយវិស័យកីឡាគុនខ្មែរ និងចង់ឲ្យកីឡាករគុនខ្មែរទទួលបានប្រភពថាមពលខ្លាំងក្លា ដើម្បីទទួលបានជ័យជំនេះគ្រប់ការប្រកួតទាំងអស់នៅលើសង្វៀន៕