ញាក់សាច់ អគារព្យាបាលកម្រិតអន្តរជាតិ មន្ទីរពេទ្យកាល់ម៉ែត សាងសង់ជាង ៧០លានដុល្លារ

ភ្នំពេញ៖ អាចនិយាយបានថា មន្ទីពេទ្យគឺជាកន្លែងជួយសង្រ្គោះទៅដល់អ្នកជំងឺមនុស្សគ្រប់វ័យ​ ហើយមន្ទីពេទ្យក៏ជាកន្លែងមួយដែលផ្ដល់ឲ្យអ្នកជំងឺគ្រប់រូបទុកចិត្ត ម្យ៉ាងរាល់អ្នកជំងឺតែងផ្ញើអាយុជីវិតលើដៃអ្នកគ្រូពេទ្យ និងលោកគ្រូពេទ្យជួយសង្គ្រោះខ្លួនជាសះស្បើយពីជំងឺផងដែរ។ លើសពីនេះទៅទៀត គ្រប់អ្នកជំងឺតែងប្រាថ្នាចង់បានមន្ទីរពេទ្យដែលល្អ និងទំនើបកម្រិតព្យា​បាលមានគុណភាពខ្ពស់។

ហើយនៅព្រឹកថ្ងៃទី២៣ ខែឧសភា ឆ្នាំ២០២៣នេះ អគារព្យាបាលកម្រិតអន្តរជាតិដ៏ថ្មីសន្លាងមួយនៅ​ក្នុងមន្ទីរពេទ្យកាលម៉ែត នឹងត្រូវសម្ពោធដាក់ឲ្យប្រើប្រាស់ ហើយពិធីសម្ពោធសមិទ្ធផលថ្មីក្នុង​វិស័យសុខាភិបាលនៅកម្ពុជានេះ នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់​សម្តេចតេជោ ហ៊ុន សែន នាយករដ្ឋមន្ត្រីកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត មន្ទីរពេទ្យកាលម៉ែតត្រូវ​បានចាប់ផ្តើមដំណើរការសាងសង់កាលពីថ្ងៃទី៥ ខែមីនា ឆ្នាំ២០១៨ ក្នុងគោល​បំណងអភិវឌ្ឍន៍ និងធ្វើទំនើបកម្មអគារមជ្ឈមណ្ឌ​លព​ហុ​ឯកទេស​ នៃមន្ទីរពេទ្យ​កាល់​ម៉ែត ជាមន្ទីរពេទ្យបង្អែកលំដាប់ខ្ពស់ចុងក្រោយ ដើម្បីផ្តល់​នូវ​សេវាពហុឯកទេស ប្រកប​ទៅដោយបច្ចេកវិទ្យាវេជ្ជសាស្ត្រដ៏ទំនើប ស្របតាម​ការ​វិ​វត្ត​របស់សកល​លោកនាពេលបច្ចុប្បន្ន ដែលជាក្ដីរំពឹងរបស់ប្រជាពលរដ្ឋកម្ពុជា។

ក្នុងនោះដែរ បើតាមលោក ម៉ម ប៊ុនហេង គម្រោងសាងសង់អគារទាំងមូល និងបំពាក់ឧបករណ៍ សម្ភារៈមានតម្លៃទឹក​ប្រាក់សរុប ៧០,៣៣១,៨១១.១១ ដុល្លារ ដែលជាការឧបត្ថម្ភដ៏ថ្លៃថ្លា​របស់​សម្តេចតេជោ និងសម្តេចកិត្តិព្រឹទ្ធបណ្ឌិត និងរាជរដ្ឋាភិបាលកម្ពុជា ព្រមទាំង​សប្បុរស​ជននានាផងដែរ៕ 

ប្រភព៖ Fresh News

សូមទស្សនារូបភាពខាងក្រោម៖ 

• រូបភាព