មហាជនខំជួយស៊ែរ ពេលបាត់ខ្លួន តាមពិត នារី​លក់​ក្រឡាន ចេញមុខ​ថា ខ្លួន​នាង​ស្ម័គ្រចិត្តរត់​តាម​សង្សារ ចោល​ប្តី​និង​កូន (មានវីដេអូ)

ភ្នំពេញ៖ កាលពីពេលថ្មីៗនេះ កំពុងមានរឿងផ្ទុះការចាប់អារម្មណ៍ជាខ្លាំងនៅលើបណ្ដាញសង្គម ខណៈគណនីហ្វេសប៊ុកឈ្មោះ Maly kubota បានបង្ហោះថា «មានក្មេងប្រុសមួយក្រុមជិះឡានម៉ាកលុចស៊ីសនិងហាយឡែនឌ័រពណ៌ទឹកប្រាក់ បានចាប់ក្មួយស្រីរបស់ខ្ញុំឡើងឡានកំពុងតែអង្គុយលក់ក្រឡាន នៅបណ្ដោយផ្លូវជាតិលេខ៥ ទិសដៅប្រហែលទៅផ្លូវប៉ោយប៉ែត សូមបងៗប៉ូលិសជួយចាប់និងធ្វើអន្តរាគមន៍ផង»។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ស្របពេលឃើញម្ចាស់គណនីហ្វេសប៊ុករូបនេះ បង្ហោះសារបែបនេះរួច មានអ្នកលេងបណ្ដាញសង្គមជាច្រើនបានស៊ែរតៗគ្នាផងដែរ។ តែអ្វីដែលធ្វើឲ្យគ្រប់គ្នាហួសចិត្តខ្លាំងបំផុតនោះ គឺក្រោយម្តាយបានចេញមុខអះអាងកុំឲ្យសាធារណជនយល់ច្រឡំប៉ុណ្ណោះ។

គួរបញ្ជាក់ផងដែរថា នៅថ្ងៃទី ២៨ ខែឧសភា ឆ្នាំ២០២៣ ស្ត្រីមានឈ្មោះ ខ្នួច ស៊ីមាន អាយុ ១៩ ឆ្នាំ បានចេញមុខជាមួយបុរសជាសង្សាររូបនោះ ដោយបានសារភាពប្រាប់ថា រូបនាងមិនមានអ្នកណាមកចាប់ជំរិតយកទៅនោះទេ ប៉ុន្តែនាងនិងសង្សារចាស់ឈ្មោះ សុខ វណ្ណៈ ហៅប៉ែត បានស្រលាញ់គ្នា និងយល់ព្រមទៅតាមគ្នាដោយគ្មានការបង្ខិតបង្ខំនោះទេ៕ 

ប្រភព៖ Cambodia Express News

• វីដេអូ
• រូបភាព