ហ្វេនចង់យំ ចាំ១២ឆ្នាំ ទីបំផុត Nadech លត់ជង្គង់សុំYaya រៀបការហើយ

កម្សាន្ត៖ កន្លងមកប្រិយមិត្តដែលនិយមតាមដានសង្គមសិល្បៈថៃ ប្រាកដជាបានដឹងរួចមកហើយថា តារាប្រុសស្រីលំដាប់ប្រទេសថៃ Nadech និង Yaya Urassaya គឺជាគូស្នេហ៍នឹងគ្នា។ ដោយតារាប្រុសស្រីមួយគូនេះ ត្រូវបានហ្វេនដឹងថា ទាក់ទងមើលចិត្តគ្នាអស់រយៈពេលច្រើនឆ្នាំមកហើយ។ 

ពិតណាស់ ខណៈទាក់ទងគ្នាច្រើនឆ្នាំ ស្នេហាអ្នកទាំងពីរក៏ត្រូវបានចាស់ទុំទាំងសងខាងដឹងឮផងដែរ។ លើសពីនេះទៅទៀត មកទល់នឹងឆ្នាំ២០២៣នេះ Nadech និងYaya មានទំនាក់ទំនងស្នេហាជាមួយគ្នា ១២ឆ្នាំហើយ។ ទោះបីអ្នកទាំងពីរ ស្រលាញ់គ្នាជាង១០ឆ្នាំ ប៉ុន្តែគូស្នេហ៍មួយគូនេះ នៅតែផ្អែមល្ហែមជានិច្ច។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីម្សិលមិញនេះ រឿងដ៏ភ្ញាក់ផ្អើលនឹងរំភើប ដែលហ្វេនទន្ទឹងរង់ចាំក៏បានមកដល់ ខណៈតារាម្ដែងប្រុស Nadech បានលត់ជង្គង់សុំ Yaya Urassaya រៀបការយ៉ាងរ៉ូមែនទិច។ ហើយដំណឹងមួយនេះ ត្រូវអ្នកគាំទ្រជាច្រើនបានចូលរួមអបអរសាទរគ្រប់គ្នាតែម្ដង។ មិនតែប៉ុណ្ណោះ គេសម្លឹងឃើញថាទឹកមុខគូស្នេហ៍មួយគូនេះ បានបង្ហាញនូចស្នាមញញឹមយ៉ាងរីករាយដូចគ្នាតែម្ដង៕ 

សូមទស្សនារូបភាពខាងក្រោម៖ 

• ស្នេហា
• រូបភាព
• តារាថៃ