ដឹងតែកក្រើកទៀតហើយ Miss Teen International ឆ្នាំនេះ កម្ពុជា នឹងធ្វើជាម្ចាស់ផ្ទះ

ភ្នំពេញ៖ កម្មវិធីប្រកួតបវរកញ្ញាយុវវ័យអន្តរជាតិ ឬ Miss Teen International ជាកម្មវិធីមួយ ដែលទទួលបានការគាំទ្រខ្លាំងពីមហាជនគ្រប់បណ្ដាប្រទេសជុំវិញពិភពលោក។ ជាពិសេស នៅក្នុងប្រទេសកម្ពុជាយើង ក៏មានបវរកញ្ញាមួយរូប ធ្លាប់បានចេញទៅប្រកួតក្នុងកម្មវិធីមួយនេះរួចមកហើយ។ 

ពិតណាស់ បវរកញ្ញា ដែលធ្លាប់បានចូលរួមប្រកួតក្នុងកម្មវិធី Miss Teen International កាលពីឆ្នាំ ២០២២ គឺជាកញ្ញា ឌី បញ្ញាវិមាលា ហើយនាងក៏ទទួលបានពានកិត្តិយស Best In Swimsuit និងចូលទៅកាន់Top10 ទៀតផង។ ហើយបវរកញ្ញា ដែលនឹងត្រៀមខ្លួនប្រកួតបន្តក្នុងឆ្នាំនេះគឺជាកញ្ញា សុខ និដាណាត់ ហើយនាងក៏បានត្រៀមខ្លួនរួចជាស្រេចក្នុងការប្រកួតក្នុងកម្មវិធីបវរកញ្ញាយុវវ័យអន្តរជាតិផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង កាលពេលថ្មីៗនេះ ផេកផ្លូវការណ៍របស់ Miss Teen International Cambodia បានប្រកាសថា កម្មវិធីប្រកួត Miss Teen International នឹងរៀបចំធ្វើឡើងនៅក្នុងប្រទេសកម្ពុជា ដែលនឹងធ្វើឡើងក្នុងខែ មិថុនា ឆ្នាំ ២០២៣នេះ។ សម្រាប់ថ្ងៃប្រកួត ពីកម្មវិធី Miss Teen International Cambodia នឹងជម្រាបដំណឹងប្រាប់នៅពេលក្រោយ៕ 

សូមទស្សនារូបភាពខាងក្រោម៖ 

• រូបភាព