ស្រលាញ់គ្នា១០ឆ្នាំ Kootee លត់ជង្គង់ សុំសង្សាររៀបការ កណ្ដាលកម្មវិធី

ថៃ៖ គ្រាន់តែនិយាយដល់ឈ្មោះ Kootee ច្បាស់ណាស់ប្រិយមិត្តនឹងស្គាល់ ដោយសារលោកគឺជាសិល្បករមួយរូបដែលមានឈ្មោះល្បីល្បាញខ្លាំង។ ពិតណាស់ តារារូបនេះបានសាងកេរ្ដិ៍ឈ្មោះលើវិថីសិល្បៈមកជាច្រើនឆ្នាំ ហើយទទួលបានការគាំទ្រពីមហាជនច្រើនកុះករតែម្ដង។ 

បើងាកទៅមើលជីវិតឯកជនវិញ គេដឹងថាតារាសម្ដែងបែបកំប្លុកកំប្លែងរូបនេះ ក៏កំពុងមានទំនាក់ទំនងស្នេហាជាមួយនារីរូបស្អាតម្នាក់ផងដែរ។ លើសពីនេះទៅទៀត ទំនាក់ទំនងស្នេហាតារារូបនេះ ក៏មានភាពរឹងមាំ ហើយមានភាពផ្អែមល្ហែមទៀតផង។ មិនតែប៉ុណ្ណោះ ជារឿយៗ Kootee តែងបង្ហោះរូបគូជាមួយសង្សារយ៉ាងស្វីតតែម្ដង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ក្រោយទាក់ទងគ្នាជាមួយគូស្នេហ៍បាន១០ឆ្នាំ ថ្មីៗនេះតារាសម្ដែងដ៏ល្បី Kootee បានសម្រេចចិត្តលត់ជង្គង់សុំគូស្នេហ៍ខ្លួនរៀបការ នៅក្នុងកម្មវិធីដែលខ្លួនថត។ ហើយដំណឹងដ៏រំភើបមួយនេះ ត្រូវបានអ្នកគាំទ្រទាំងក្នុងនិងក្រៅប្រទេស បានជូនពរ និងអបអរដល់លោកនិងគូស្នេហ៍គ្រប់គ្នាតែម្ដង៕ 

សូមទស្សនារូបភាពខាងក្រោម៖ 

• ស្នេហា
• រូបភាព
• តារាខ្មែរ