សមទេ? នេះជាពាក្យរិះគន់ទៅលើម្ចាស់ទំពាំង ពីសំណាក់អ្នកលេងបណ្ដាញសង្គម

ភ្នំពេញ៖ ប្រិយមិត្តអ្នកលេងបណ្ដាញសង្គម ច្បាស់ជាបានជ្រាបរួចមកហើយពីរឿងរ៉ាវកំពុងផ្ទុះល្បីពេញបណ្ដាញសង្គមហ្វេសប៊ុក ខណៈម្ចាស់ចម្ការឬស្សី បានថតរូប រួមទាំងវីដេអូបង្ហោះ និងបង្ហាញមុខបុរសដែលលួចជីកទំពាំង ដោយគ្មានការអនុញ្ញាតពីខ្លួនដែលជាម្ចាស់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែក្រោយបង្ហោះរួច មានមតិរិះគន់ពីអ្នកលេងបណ្ដាញសង្គម ថាម្ចាស់ចម្ការចិត្តកំណាញ់ គ្មានចិត្តអាណិតអាសូរទៅកាន់បុរសលួចជីកទំពាំងនោះរួច គេក៏ដឹងថាម្ចាស់ចម្ការឬស្សីរូបនោះ ក៏បានលុបរូប និងវីដេអូនោះវិញផងដែរ។ មិនតែប៉ុណ្ណោះ ស្ត្រីរូបនោះថែមទាំងបានចេញវីដេអូ បញ្ចប់រឿងរ៉ាវមួយនោះ កុំឲ្យមានរឿងវែងឆ្ងាយជាងនេះផងដែរ។ 

តួយ៉ាង បើក្រឡេកមើលពាក្យពេចន៍ដែលអ្នកប្រើប្រាស់បណ្ដាញសង្គមមួយចំនួនតូច ហាក់ប្រើពាក្យមិនសមរមទាល់តែសោះទៅលើម្ចាស់ទំពាំង។ ខណៈពួកគេបាននិយាយស្ដី ប្រើពាក្យធ្ងន់ៗ ដែលវាធ្វើឲ្យអ្នកលេងបណ្ដាញសង្គមមួយចំនួនទៀតមិនពេញចិត្ត លើសម្ដីទាំងនោះផងដែរ៕ 

• រូបភាព