Updated: ប៉ុន្មានម៉ោងមុននេះក្រុមហ៊ុន OceanGate បានថ្លែងការថា រកឃើញបំណែករបស់នាវា Titan នៅមិនឆ្ងាយពីខ្មោ.ចកប៉ាល់ Titanic ប៉ុន្មានទេ ហើយអ្នកដំណើរទាំង ៥នាក់ ក៏ត្រូវ...!

បរទេស៖ កាលពីប៉ុន្មានម៉ោងមុននេះ ក្រុមអ្នកអ្នកស្រាវជ្រាវរបស់សហរដ្ឋអាមេរិក និងក្រុមហ៊ុន OceanGate Expeditions បានចេញសេចក្តីថ្លែងការជាផ្លូវការហើយថា ពួកគេបានរកឃើញបំណែករបស់កូននាវាមុជទឹក Titan នៅចំងាយប្រមាណតែជាង ៥០០ម៉ែត្រប៉ុណ្ណោះ ពីខ្មោចកប៉ាល់ Titanic។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីរកឃើញបំណែកទាំងនេះហើយ គេក៏បានដាក់ការសន្ឋិដ្នានថា កូននាវាមុជទឹក Titan បានផ្ទុះបាត់ទៅហើយនៅបាតសមុទ្រអាត្លង់ទិច ដោយសារតែមិនអាចទប់ទល់ជាមួយនឹងសម្ពាធទឹកសមុទ្រដ៏ជ្រៅជម្រៅដល់ទៅ ៣៨០០ ម៉ែត្រឯណោះ និងកំហុសបច្ចេកទេសនៅក្នុងកូននាវាមុជទឹក Titan ផងដែរ រីឯអ្នកដំណើរទាំង ៥នាក់ ក៏មិនអាចនៅរស់រានមានជីវិតបានដែរក្នុងឧបត្ត្បិវហេតុដ៏រន្ធត់នេះ។

ប៉ុន្តែទោះបីជាយ៉ាងនេះក្តី ក្រុមឆ្មាំសមុទ្រ និងអ្នកមុជទឹករាវរករបស់អាមេរិក និងកាណាដា ក៏នៅតែបន្តការរុករកមិនឈប់ឈរ ដែលប្រៀបដូចជាការរាវម្ជុលនៅក្នុងបាតសមុទ្រដូច្នោះដែរ។ ហើយគេជឿជាក់ថា នឹងមានតម្រុយថ្មីៗបន្តបន្ទាប់ទៀតពីកូននាវាមុជទឹក Titan។

គួរបញ្ជាក់ឱ្យដឹងថា គិតមកទល់នឹងពេលនេះកងកម្លាំងអ្នកស្រាវជ្រាវអាមេរិកសហការជាមួយកាណាដា បានធ្វើការរុករករាលដាលក្នុងទំហំផ្ទៃសមុទ្រដល់ទៅជិត ១,៧០០០ គីឡូម៉ែត្រក្រឡាឯណោះ។

តាមការឱ្យដឹងពីប្រធានគណៈកម្មាធិការនាវាមុជទឹករបស់សហរដ្ឋអាមេរិក បានធ្វើការថ្កោលទោសយ៉ាងខ្លាំងទៅលើក្រុមហ៊ុន OceanGate Expeditions ដែលបានដាក់យាននាវាមុជទឹក Titan ឱ្យដំណើរការដឹកអ្នកទេសចរណ៍ទាំង៥នាក់ ទៅទស្សនាសាកសពកប៉ាល់ Titanic ពីព្រោះថា Titan នៅមិនទាន់បានទទួលស្គាល់ជាផ្លូវការថា អាចចុះទៅក្នុងបាតសមុទ្រជម្រៅជ្រៅដល់ថ្នាក់នេះបានឡើយទេ គ្រប់យ៉ាងគឺជាការសម្រេសរបស់ក្រុមហ៊ុន OceanGate Expeditions។

សូមរំលឹកថា កូននាវាមុជទឹក Titan បានចេញដំណើរពីនាវាធំ Polar Prince ដែលនៅរង់ចាំនៅលើផ្ទៃសមុទ្រ កាលពីថ្ងៃអាទិត្យ ទី១៨ ខែមិថុនា ឆ្នាំ២០២៣ កន្លងទៅ ប្រហែលជាម៉ោង៨ព្រឹក ហើយបានបាត់ការទាក់ទងនៅម៉ោងប្រមាណជា ៩កន្លះព្រឹក ពោលគឺមានរយៈពេលត្រឹមតែ ១ម៉ោង ៤៥នាទី បន្ទាប់ពីចេញដំណើរ។

ហើយអុកស៊ីសែនដែលបានផ្ទុកសម្រាប់ប្រើប្រាស់នៅក្នុងនាវាតូចមួយនេះ គឺមាន៩៦ម៉ោង ដែលស្មើរនឹង៤ថ្ងៃ ប៉ុណ្ណោះ តែជាក់ស្តែងកប៉ាល់បានបាត់ខ្លួនអស់រយៈពេលជិត៦ថ្ងៃហើយ គិតមកទល់ពេលនេះ។ ចំណែកឯតម្លៃសំបុត្រ សម្រាប់ការចុះទៅទស្សនាខ្មោចកាប៉ាល់ Titanic នៅក្រោមបាតសមុទ្រនេះវិញមានតម្លៃប្រមាណដល់ទៅ ២៥ម៉ឺនដុល្លារក្នុងម្នាក់ ដែលជាការទេសចរណ៍កម្សាន្តសម្រាប់តែអ្នកមានប៉ុណ្ណោះ។

នេះគឺជារឿងមួយដែលគួរឱ្យសោកស្តាយបំផុតសម្រាប់ក្រុមគ្រួសារនៃជនរងគ្រោះទាំង ៥ នាក់ និងជារឿងប្រវត្ដិសាស្រ្តដ៏ជូរចត់ដែលពិភពលោកមិននឹកស្មានដល់។

​សម្រាប់ព័ត៌មាន Update យ៉ាងណានោះ ក្រុមការងារខ្មែរឡូត នឹងធ្វើការចុះផ្សាយជាបន្តបន្ទាប់ទៀត៕