ជើងឯកថ្មីមកដល់ហើយ! realme C53 ស្មាតហ្វូនកម្រិតថវិកាចេញលក់ជាផ្លូវការនៅកម្ពុជាជាមួយបច្ចេកវិទ្យាសាកថ្មលឿន 33W ​អង្គផ្ទុកទិន្នន័យធំ128GB និងការឌីហ្សាញបែបជើងឯកពណ៌មាសភ្លឺផ្លេកកម្រាស់ស្តើងត្រឹមតែ 7.49 mm

ភ្នំពេញ៖ ថ្ងៃទី 27 ខែ មិថុនា ឆ្នាំ 2023 - realme ប្រេនស្មាតហ្វូន ដែលរីកចម្រើនខ្លាំងជាងគេលើពិភពលោក បានប្រកាសជាផ្លូវការនូវ realme C53 ។ realme C53 ដែលជាអ្នកស្នងតំណែងជើងឯក ដោយកំណត់ឡើងវិញ នូវអ្វីដែលទូរស័ព្ទកម្រិតថវិកាអាចធ្វើបាន។ realme C53 ជា​ស្មាតហ្វូនដែលនឹងផ្លាស់ប្តូរមុខមាត់ថ្មីនៃ​ស្មាតហ្វូន​កម្រិតថវិកា។ ជាមួយនឹងការមកដល់នៃជើងឯក realme C53 នៅក្នុងកម្មវិធីសន្និសីទសារព័ត៌មានដែលប្រកាសចេញជាផ្លូវការក្នុងទីផ្សារកម្ពុជា មានការចូលរួមពីសំណាក់បុគ្គលជាជើងឯកក្នុងវិស័យកីឡានិងបវរកញ្ញាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក ផុល រតនៈ ជាជើងឯកកីឡាករបាល់ទះជម្រើសជាតិកម្ពុជាឈ្នះមេដាយប្រាក់ក្នុងកីឡាស៊ីហ្គេម ឆ្នាំ២០២៣ ត្រូវបានក្រុមហ៊ុនទូរស័ព្ទ realme ជ្រើសរើសជាតារាថតបង្ហាញម៉ូដទូរស័័ព្ទ realme C53 ដែលជាជើងឯកថ្មីខាងសាកថ្មលឿន 33W មាន RAM បន្ថែមរហូតដល់ 12GB និង​អង្គផ្ទុកទិន្នន័យធំ128GB ការឌីសាញបែបជើងឯកបង្កប់ពណ៌មាសភ្លឺផ្លេកកម្រាស់ស្តើងត្រឹមតែ 7.49 mm និងមាន Mini Capsule ទៀត! realme C53 ផ្តល់ជូននូវបទពិសោធន៍ស្មាតហ្វូនកម្រិតខ្ពស់ក្នុងតម្លៃពិសេស $169 សម្រាប់ 6+6GB+128GB។

មិនតែប៉ុណ្ណោះ ក៏មានវត្តមានបវរកញ្ញា  ឃឿន ប៉ូលីកា ជាជើងឯកម្ចាស់ម្កុដជ័យលាភីលេខ ១ ក្នុងកម្មវិធី Miss Preteen Junior Idol World 2023 និងបវរកញ្ញា ឌៀប សូហ្វីរ៉ា លំដាប់រងទី២ក្នុងកម្មវិធី Little Miss Junior Idol 2023 ដែលបានចូលរួមជាតារាបង្ហាញម៉ូដទូរស័ព្ទក្នុងកម្មវិធីសន្និសីទសារព័ត៌មាន របស់ទូរស័ព្ទដៃ realme C53 ផងដែរ។ កញ្ញាទាំង២ដួង ពិតជាពេញចិត្តនូវការរចនាដ៏ទាន់សម័យរបស់ C53 ដែលពិតជាស័ក្តសមឥតខ្ចោះសម្រាប់យុវវវ័យសម័យថ្មី។

ស្មាតហ្វូនដែលផ្លាស់ប្តូរមុខមាត់ថ្មី នៃ​ស្មាតហ្វូន​កម្រិតថវិកាជាមួយលក្ខណៈសម្បត្តិពិសេស 3 ដែលត្រូវដឹង

ក្រោមយុទ្ធសាស្រ្តធ្វើឱ្យប្រសើរឡើងនៃស៊េរី C នោះ realme C53 នៅតែបន្តបេសកកម្មដើម្បីផ្តល់នូវលក្ខណៈពិសេសនាំមុខគេ ក្នុងកម្រិតតម្លៃនេះជាមួយការសាកថ្មលឿន ទំហំផ្ទុកធំ និងការរចនាបែបទាន់សម័យ។ ដើម្បីជួយសម្រួលដល់បទពិសោធន៍ប្រើប្រាស់ប្រចាំថ្ងៃរបស់អ្នកប្រើប្រាស់ឲ្យកាន់តែប្រសើរ realme C53 នឹងបញ្ចប់យុគសម័យការសាកថ្មយឺត ដោយផ្តល់ជូននូវការសាកថ្មលឿន 33W (33 វ៉ាត់)​SUPERVOOC ដំបូងគេស្ថិតក្នុងកម្រិតតម្លៃ ដែលចំណាយពេលត្រឹមតែ 31 នាទីដើម្បីសាកដល់ 50% ។ បើប្រៀបធៀបទៅនឹងការសាកថ្ម 10W របស់ C33, ទូរស័ព្ទ C53 បានបង្កើនល្បឿនសាករបស់វា 100% ។ ជាមួយនឹងថាមពលថ្មធំ 5000mAh C53 ផ្តល់នូវការសាកថ្មដោយគ្មានកង្វល់ ដើម្បីបង្កើនបទពិសោធន៍អ្នកប្រើប្រាស់ប្រចាំថ្ងៃកាន់តែប្រសើរ។

realme C53 បំពាក់បន្ទះឈីប T612 octa-core ភ្ជាប់ជាមួយ RAM បន្ថែមរហូតដល់ 12GB និង ROM 128GB ដែលជាអង្គផ្ទុកទិន្នន័យធំជាងគេនៅក្នុងកម្រិតតម្លៃនេះ។ realme C53 អាចពង្រីក RAM 6GB បន្ថែម សរុបទំហំ  12GB ដើម្បីរីករាយជាមួយ RAM 12GB ដែលអាចឱ្យបទពិសោធន៍អ្នកប្រើប្រាស់កាន់តែរលូន។ លើសពីនេះទៅទៀត C53 គាំទ្រស៊ីមកាត 2 Nano និងកាត MicroSD 1 ក្នុងពេលតែមួយ ដែលអាចបន្ថែមទំហំផ្ទុករហូតដល់ 2TB ។

តាមរយៈការធ្វើឱ្យប្រសើរឡើងជាបន្តបន្ទាប់នូវរចនាសម្ព័ន្ធខាងក្នុងរបស់វា realme C53 ផ្តោតសំខាន់ក្លាយជាស្មាតហ្វូនកម្រិតថវិកា ដែលត្រូវបានរចនាល្អបំផុតជាមួយនឹងតួខ្លួន 7.49mm ស្តើងបំផុតនៅកម្រិតតម្លៃនេះ ដូចជានៅក្នុង realme C Series ផងដែរ។ ជាមួយនឹងគែមជ្រុងរាបស្មើរបស់វា C53 ផ្តល់នូវផាសុកភាព និងអារម្មណ៍ងាយស្រួលចាប់កាន់នៅក្នុងដៃ។ ចំពោះផ្នែកខាងក្រោយរបស់ C53 វាត្រូវបានរចនាជាមួយនឹងការរចនា Shiny Champion ដែលភ្ជាប់មកជាមួយពណ៌ Champion Gold និង Mighty Black។ វាយនភាពបន្ទាត់ពណ៌មាស និងឥទ្ធិពលពន្លឺពណ៌មាសនៅផ្នែកខាងក្រោយ ប្រហាក់ប្រហែលនឹងខ្សែបូពណ៌មាស និងពន្លឺ ដែលរំលេចនូវពេលវេលាជើងឯកនិងអារម្មណ៍នៃមោទនភាពជើងឯក។

កាមេរ៉ា AI 50MP, អេក្រង់លាតពេញ  6.74" ល្បឿនអេក្រង់រលូន 90Hz និង Mini Capsule

នៅក្នុងផ្នែកកាមេរ៉ាខាងក្រោយ C53 មានកាមេរ៉ាគោលទំហំ 50MP! លើសពីនេះ C53 អនុញ្ញាតឱ្យអ្នកប្រើប្រាស់បង្កើតរូបភាព តាមស្ទីលដែលពួកគេពេញចិត្ត ជាមួយនឹងមុខងារ ថតរូបប្រកបដោយភាពច្នៃប្រឌិតជាច្រើន។ realme ក៏មានបំពាក់បច្ចេកវិទ្យា Mini Capsule ដំបូងបង្អស់របស់ Android នៅលើ C53 ដែលសម្របខ្លួនយ៉ាងឆ្លាតវៃទៅនឹងការបង្ហាញដំណឹង និងរុំជុំវិញកាមេរ៉ាខាងមុខ សម្រាប់ការជូនដំណឹង។ វាអាចបង្ហាញពណ៌ផ្សេងគ្នានៃពន្លឺសម្រាប់ស្ថានភាពថ្ម - ពណ៌បៃតងបានសាកពេញ ពណ៌ខៀវកំពុងសាកថ្ម និងពណ៌ក្រហមថ្មទាប។ លើសពីនេះ អ្នកប្រើប្រាស់អាចទទួលបានបទពិសោធន៍មុខងារពីរបន្ថែមទៀត នៃការប្រើប្រាស់ទិន្នន័យ និងស្ថិតិជំហានតាមរយៈ OTA។ ទាក់ទងនឹងការចេញផ្សាយបន្ថែមទៀត realme បានបញ្ជាក់ថា Mini Capsule នឹងមានសម្រាប់ផលិតផល C Series ទាំងអស់នៅឆ្នាំនេះ។ 

លើសពីនេះទៅទៀត C53 ត្រូវបានបំពាក់ដោយឧបករណ៍បំពងសម្លេង UltraBoom 150% ស្កេនក្រយៅដៃចំហៀងរហ័ស​ ដើម្បីផ្តល់ឱ្យអ្នកប្រើប្រាស់នូវបទពិសោធន៍ប្រើប្រាស់យូរអង្វែង realme C53 ប្រកាន់ខ្ជាប់នូវការធ្វើតេស្តយ៉ាងម៉ត់ចត់ ដើម្បីនាំមកនូវគុណភាពកម្រិតខ្ពស់។

ក្នុងនាមជាអ្នកផ្លាស់មុខមាត់ថ្មីនៃ ស្មាតហ្វូនកម្រិតថវិកា C53 ផ្តល់នូវលក្ខណៈពិសេសបី ដែលលើសពីការរំពឹងទុក ដើម្បីបង្កើនបទពិសោធន៍អ្នកប្រើប្រាស់ និងបង្ហាញពីស្មារតីនៃ "ជើងឯក" ៕