បើជាតិស្ករក្នុងឈាមកើនឡើងក្រោយញ៉ាំអាហាររួច អាចសាកគន្លឹះទាំង ៥ នេះ!

ប្រសិនបើគ្នាយើងប្រឈមនឹងការកើនឡើងជាតិស្ករក្នុងឈាមភ្លាមៗ ក្រោយញ៉ាំអាហាររួច យើងគួរតែបញ្ចូលទម្លាប់ល្អៗមួយចំនួន ដើម្បីគ្រប់គ្រងស្ថានភាពនេះ។ ពិតណាស់ បញ្ហាជាតិស្ករក្នុងឈាមកើនឡើងក្រោយញ៉ាំអាហារ កើតឡើងជាទូទៅ និងសូម្បីតែចំពោះអ្នកដែលគ្មានជំងឺទឹកនោមផ្អែម ក៏ដោយ។ យ៉ាងណាមិញ ក្នុងករណីនេះអាចបង្ហាញថាយើងកំពុងប្រឈមនឹងហានិភ័យនៃការវិវត្តន៍ទៅជាជំងឺទឹកនោមផ្អែម ដែលទាមទារឲ្យគ្នាយើងគួរប្រុងប្រយ័ត្នឲ្យដិតដល់។

រោគសញ្ញាមួយចំនួនបង្ហាញពីការកើនឡើងនៃជាតិស្ករក្នុងឈាមក្រោយញ៉ាំអាហារ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស្រេកទឹកខ្លាំង ឬស្ងួតមាត់
ហត់នឿយ
នោមញឹកញាប់
ព្រឹលភ្នែក។ល។

គន្លឹះគ្រប់គ្រងការឡើងជាតិស្ករក្នុងឈាមភ្លាមៗក្រោយញ៉ាំអាហាររួច

១. ញ៉ាំអាហារសម្បូរជាតិសរសៃខ្ពស់

ជាតិសរសៃគឺជាប្រភេទកាបូអ៊ីដ្រាត ដែលមិនបង្កផលប៉ះពាល់ខ្លាំងទៅលើកម្រិតជាតិស្ករក្នុងឈាមឡើយ ពីព្រោះវាផលិតជាតិស្ករតិចតួចប៉ុណ្ណោះ។ បន្ថែមពីនេះ ការញ៉ាំអាហារដែលសម្បូរទៅដោយជាតិសរសៃ អាចជួយឲ្យយើងឆាប់ឆ្អែត និងមិនញ៉ាំច្រើនជ្រុល។

២. កុំគេងភ្លាមៗក្រោយញ៉ាំអាហាររួច

ការសិក្សាបានបង្ហាញថា ការគេងភ្លាមៗក្រោយញ៉ាំអាហាររួច ឬអង្គុយចុះ អាចធ្វើឲ្យកម្រិតជាតិស្ករក្នុងឈាមកើនឡើងយ៉ាងឆាប់រហ័ស។ ទម្លាប់មួយនេះ មិនត្រឹមតែធ្វើឲ្យសាច់ដុំមិនអាចផ្ទេរជាតិស្ករលើសទៅចរន្តឈាមបាននោះទេ ថែមទាំងជំរុញឲ្យកើតមានបញ្ហារំលាយអាហារទៀតផង។ ដូច្នេះហើយ យើងគួរដើរយឺតៗប៉ុន្មាននាទីក្រោយញ៉ាំអាហាររួច ទើបជាការប្រសើរ។

៣. គ្រប់គ្រងរបបអាហារ

ទន្ទឹមនឹងនេះដែរ ដើម្បីជៀសវាងការកើនឡើងជាតិស្ករក្នុងឈាម យើងចាំបាច់ត្រូវគ្រប់គ្រងបរិមាណរបបអាហារប្រចាំថ្ងៃ ដោយការញ៉ាំអាហារតិចតួចឲ្យបានច្រើនដង។ ការធ្វើបែបនេះ អាចជួយឲ្យជាតិស្ករមានតុល្យភាព និងមិនមានការឡើងចុះភ្លាមៗឡើយ។

៤. មិនរំលងអាហារពេលព្រឹក

អាហារពេលព្រឹក មានសារៈសំខាន់បំផុតក្នុងចំណោមអាហារប្រចាំថ្ងៃទាំងបីពេល ហើយប្រសិនបើយើងមិនញ៉ាំអាហារពេលព្រឹកទេនោះ កម្រិតជាតិស្ករក្នុងឈាមនឹងកើនឡើងយ៉ាងឆាប់រហ័សនៅពេលដែលយើងញ៉ាំអាហារបន្ទាប់។ ដូច្នេះហើយ គ្នាយើងគួរបញ្ចូលរបបអាហារល្អៗសម្រាប់អាហារពេលព្រឹក។

៦. ពិនិត្យកម្រិតជាតិស្ករក្នុងឈាមឲ្យបានទៀងទាត់

ជាមួយគ្នានេះ ការពិនិត្យកម្រិតជាតិស្ករជាទៀងទាត់ មានសារៈសំខាន់ណាស់ ពិសេសសម្រាប់អ្នកមានជំងឺទឹកនោមផ្អែម។ ចំណែកឯអ្នកងាយប្រឈមនឹងជំងឺទឹកនោមផ្អែម ក៏អាចគ្រប់គ្រងជាតិស្ករក្នុងឈាម ព្រមទាំងបញ្ចៀសការឡើងចុះជាតិស្ករភ្លាមៗ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

បើជាតិស្ករក្នុងឈាមកើនឡើងក្រោយញ៉ាំអាហាររួច អាចសាកគន្លឹះទាំង ៥ នេះ!

រោគសញ្ញា​មួយ​ចំនួន​បង្ហាញ​ពី​ការ​កើន​ឡើង​នៃ​ជាតិ​ស្ករ​ក្នុង​ឈាម​ក្រោយ​ញ៉ាំ​អាហារ

គន្លឹះ​គ្រប់គ្រង​ការ​ឡើង​ជាតិ​ស្ករ​ក្នុង​ឈាម​ភ្លាម​ៗ​ក្រោយ​ញ៉ាំ​អាហារ​រួច​

​​១. ញ៉ាំ​អាហារ​សម្បូរ​ជាតិ​សរសៃ​ខ្ពស់

២. កុំ​គេង​ភ្លាម​ៗ​ក្រោយ​ញ៉ាំ​អាហារ​រួច

៣. គ្រប់គ្រង​របប​អាហារ

៤. មិន​រំលង​អាហារ​ពេល​ព្រឹក

៦. ពិនិត្យ​កម្រិត​ជាតិ​ស្ករ​ក្នុង​ឈាម​ឲ្យ​បាន​ទៀងទាត់