ដល់ខួបរៀបការ៥ឆ្នាំ ម្ចាស់បទ«វល់ៗ» នីរ័ត្ន នៅតែល្អូកល្អើននឹងស្វាមី

អូស្ត្រាលី៖ ច្រើនឆ្នាំមកហើយ ដែលតារាចម្រៀងស្រីទទួលបានប្រជាប្រិយភាពអ្នកនាង នីរ័ត្ន បានដកឃ្លាពីសង្គមសិល្បៈ។ ពិតណាស់ តារារូបនេះបានទៅរស់នៅប្រទេសអូស្ត្រាលី ក្រោយរៀបការជាមួយស្វាមីអាណិកជន។ ហើយស្របពេលទៅរស់នៅខាងស្វាមី នាងពិតជាទទួលបានសុភមង្គលតែម្ដង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មួយវិញទៀត ទោះបីបាត់មុខពីសង្គមសិល្បៈ ប៉ុន្តែម្ចាស់បទ «វល់ៗ» តែងតែបង្ហោះរូបភាពបង្ហាញពីជីវិតឯកជនឲ្យហ្វេនបានឃើញជានិច្ច។ លើសពីនេះទៅទៀត គេដឹងថាតារារូបនេះពិតជាបានសាងគ្រួសារមួយយ៉ាងមានភាពកក់ក្ដៅ ពោរពេញដោយក្ដីសុខ និងស្នាមញញឹម។ 

ជាក់ស្ដែង មុននេះអ្នកនាង នីរ័ត្ន បានបង្ហោះរូបភាពជាច្រើនសន្លឹក រួមទាំងសារអបអរខួបអាពាហ៍ពិពាហ៍៥ឆ្នាំខ្លួនផងដែរ។ ជាមួយគ្នានេះដែរ ស្របពេលបង្ហោះរូបភាពរួច មានហ្វេនជាច្រើនបានចូលរួមអបអរសាទរ និងជូនពរនាងនិងស្វាមីឲ្យស្រលាញ់គ្នាបែបនេះជារៀងរហូតតទៅគ្រប់ៗគ្នាតែម្ដង៕ 

• រូបភាព
• តារាខ្មែរ