យល់ដឹង៖ បច្ចុប្បន្ននេះ សម័យកាន់តែទំនើប បច្ចេកវិទ្យាកាន់តែរីកចម្រើន ការប្រើប្រាស់បណ្ដាញសង្គមក៏កាន់តែច្រើន ធ្វើឲ្យជនឆបោកឈ្លៀតឱកាសបោកបានគ្រប់វិធី។ ជាពិសេស ចំពោះបងប្អូនដែលកំពុងប្រើប្រាស់គណនី Telegram សម្រាប់ការងារ ផ្ញើឯកសារ ឬទំនាក់ទំនងផ្សេងៗ គួរតែមានការប្រុងប្រយ័ត្នឲ្យកាន់តែខ្លាំង។
ជាក់ស្ដែង ថ្មីៗនេះមានបុរសម្នាក់បានចែករំលែកបទពិសោធន៍ខ្លួន ដែលត្រូវបានជនបោកប្រាស់ ទាញយកគណនីតេឡេក្រាមបានសម្រេច។ ប៉ុន្ដែ ដោយលោកបានដឹងខ្លួនមុន ទើបមិនអាចចាញ់កលមនុស្សមានល្បិច ដោយលោកបានឲ្យគេថត screen ដើម្បីបញ្ជាក់ថា ខ្លួនកំពុងតែលេងជាមួយម្ចាស់គណនីពិតប្រាកដមែន។
មិនតែប៉ុណ្ណោះ ម្ចាស់ហ្វេសប៊ុក ឈ្មោះ កូវ វណ្ណារ៉ា បានចែករំលែកវិធីការពារខ្លួន ដែលអាចជៀសវាងពួកជនឆបោកបានដូចខាងក្រោមនេះ៖
១.ត្រូវប្រើសារជាសំឡេង កុំសរសេរអត្ថបទ
២.គួរទាក់ទងគ្នាតាមទូរស័ព្ទផ្ទាល់ ឬទូរសព្ទបញ្ជាក់។
៣.បើមានការស្នើបញ្ចូលតេឡេក្រាម ទោះអ្នកស្គាល់គ្នាក៏ដោយ សូមចុច Block ចោលទៅ ឬទូរសព្ទសួរបញ្ជាក់ជាមុនសិនសឹមចុចទទួល។
ប្រភព៖ កូវ វណ្ណារ៉ា
ថ្ងៃនេះជួបខ្មោចលងហើយ តែមកប៉ះចំអាចារ្យខ្មោច(Undertaker)😂 (តេឡេក្រាមបង ឡេង គន្ធារិទ្ធ...
Posted by កូវ វណ្ណារ៉ា on?nbsp;
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
