បេក្ខជនក្រុមខូចស៍កញ្ញា ពីររូប កំពុងទទួលបានការជជែកវែកញែកយ៉ាងខ្លាំងបន្ទាប់ពីចេញក្នុងវគ្គ «The Battles» យប់មិញនេះ! (មានវីដេអូ)

ភ្នំពេញ៖ កម្មវិធីប្រឡងចម្រៀងលំដាប់ពិភពលោកដែលមានវត្តមានដំបូងគេនៅកម្ពុជា The Voice Cambodia បានដើរមកដល់រដូវកាលទី៣ ហើយ។

បើកឆាកវគ្គ The Battles សប្តាហ៍ទី១ កាលពីយប់មិញនេះ មានបេក្ខជនជាច្រើនរូប ដែលបានចេញមកបង្ហាញសមត្ថភាពដ៏អស្ចារ្យរៀងៗខ្លួននៅលើសង្វៀនប្រកួតសំឡេងដ៏ក្តៅគគុក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរឲ្យចាប់អារម្មណ៍ខ្លាំងចំពោះក្រុមខូចស៍ កញ្ញា ដែលមានបេក្ខជន សរ ស៊ីណារ៉ាត់ និងបេក្ខនារី គឹម សុវណ្ណ ដែលបានឡើងប្រកួតគ្នាក្រោម I Hate Myself For Loving You ឡើងកក្រើកឆាកតែម្តង។

ត្បិតអ្នកទាំងពីរសុទ្ធតែមានសមត្ថភាពខ្លាំងមួយបែបម្នាក់ ម្នាក់ពូកែខាងសំឡេងក្រោម ហើយម្នាក់ទៀតពូកែខ្លាំងខាងសំឡេងលើ។

ជាលទ្ធផលខូចស៍ កញ្ញា បានសម្រេចចុងក្រោយដោយជ្រើសយកបេក្ខនារី គឹម សុវណ្ណ ទៅបន្តជាមួយ។

ទោះធ្លាក់ត្រឹមវគ្គនេះ តែបេក្ខជន សរ ស៊ីណារ៉ាត់ នៅតែទទួលការសរសើរ និងមិនអស់ចិត្តចំពោះបេក្ខជនដែលពូកែខ្លាំងផ្នែកសំឡេងខាងក្រោមនេះ។

គួរបញ្ជាក់ផងដែរថា កម្មវិធីប្រឡងចម្រៀងលំដាប់ពិភពលោក The Voice Cambodia ចាក់ផ្សាយជូនទស្សនារៀងរាល់ថ្ងៃអាទិត្យ ម៉ោង 8យប់លើកញ្ចក់ទូរទស្សន៍ ហង្សមាស HDTV៕

• ចម្រៀង
• វីដេអូ