មិនសម្រាកខ្លះទេអី Taew បង្កើតមុខជំនួញថ្មី ខណៈការងារសិល្បៈកំពុងរវល់ខ្លាំង

កម្សាន្ត៖ ជាការពិតណាស់ តារាសម្ដែងស្រី នៅក្នុងរឿងភាគថៃ ដ៏ល្បីល្បាញ តារាស្រី Taew Natapohn តែងតែទទួលបានការស្រឡាញ់គាំទ្រពីសំណាក់ទស្សនិកជន តាមរយៈទេពកោសល្យសម្ដែងដ៏អស្ចារ្យរបស់ខ្លួន។ ជាពិសេស នាងតែងតែសម្ដែងជាតួឯកស្រីជានិច្ច ធ្វើឲ្យនាងជាតារាស្រីជួរមុខដ៏លេចធ្លោរម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខណៈការងារសិល្បៈកំពុងតែមានសន្ទុះមមាញឹកខ្លាំង ឃើញថា តារាស្រីស្រស់រូបនេះហាក់មិននៅស្ងៀមឡើយ ពោលគឺនាងស្រវាក្តាប់មុខជំនួញមួយទៀតភ្លាមៗ ដោយមិនខ្វល់ថ្ងៃក្តៅឡើយ ថែមទាំងចុះទៅមើលមុខជំនួញថ្មីដោយខ្លួនឯងតែម្តង។

ជាក់ស្តែង សម្រាប់មុខជំនួញថ្មីដែលតារាស្រី Taew កំពុងតែក្តាប់នេះដែរគឺជាប្រភេទជំនួញអចលនទ្រព្យ ដែលមហាជនភាគច្រើនសង្កេតឃើញថា ភាគច្រើនមានតែបុរសទេដែលស្រឡាញ់ និង ក្តាប់ជំនួននេះ តែសម្រាប់តារាស្រី Taew មិនខ្វល់ខ្លួនជាមនុស្សស្រីខ្លាចថ្ងៃក្ដៅឡើយ ក៏នៅតែឈ្មុសឈ្មុលមកមើលការខុសត្រូវលើមុខជំនួញដោយខ្លួនឯង ធ្វើឱ្យអ្នកគាំទ្រសរសើរព្រាត៕

• រូបភាព
• តារាថៃ