យល់ដឹង៖ ក្នុងសង្គមនេះ មិនថាអ្នកចូលចិត្ត ទៅណាមកណាម្នាក់ឯង ច្រើនប៉ុណ្ណានោះទេ វាពិបាកនឹងគេចផុតពីភាពឯកា ប្រាកដណាស់។ ទោះបីជាអ្នកមិនចូលចិត្តការជួបជុំគ្នាយ៉ាងណាក៏ដោយ យ៉ាងហោចណាស់ ក៏នៅមានការជួបជុំជាមួយមិត្តភក្ដិ ឬសាច់ញាតិមួយចំនួនផងដែរ ពិសេសនៅពេលមានបុណ្យទានទៅលេងស្រុកម្ដងៗ ផ្ទាល់តែម្ដង។
ជាមួយគ្នានេះ នៅពេលបានជួបសាច់ញាតិ ឬអ្នកជិតខាង តែងតែចៀសមិនផុតនូវសំណួរចាក់ដោតផ្សេងៗពីពួកគេ ដែលធ្វើឲ្យយើងពិបាកនឹងឆ្លើយខ្លាំងមែនទែន។ ដូច្នេះ ប្រសិនបើអ្នកមិនអាចចៀសផុតពីស្ថានភាពនេះទេ ចូររៀនពីដំណោះស្រាយដ៏ឆ្លាតវៃខាងក្រោមនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១.សំណួរទាក់ទងនឹងប្រាក់ចំណូល
បើអ្នកជួបសំណួរនេះ ចូរកុំគេចវេះអី ឆ្លើយតាមដែលអាចធ្វើទៅបាន ឬដែលអាចបត់បែនបាន។ ជាការពិត ក្នុងឆ្នាំថ្មី សាច់ញាតិមកជុំគ្នាក្នុងពិធីបុណ្យ ពេលត្រលប់មកពីធ្វើការវិញ គេតែងតែសួរថា «តើឆ្នាំនេះរកបានប្រាក់ខែប៉ុន្មាន?»។ អ្នកច្បាស់ជាឆ្លើយដោយអៀនៗថា «មិនច្រើនទេ គ្រាន់តែគ្រប់គ្រាន់មួយរស់នៅៗ»។ យ៉ាងណាមនុស្សឆ្លាត គេនឹងដឹងពីរបៀបចៀសសំណួរអំពីលុយ ប្រាក់ចំណូល ការសន្សំ។ អ្នកអាចឆ្លើយថា «បាទ/ចាស ប្រាក់ខែខ្ញុំល្អគ្រាន់បើដែរ» «ខ្ញុំមានគណនីសន្សំនៅធនគារខ្លះដែរ»។
២.សំណួរទាក់ទងរឿងទំនាក់ទំនងផ្ទាល់ខ្លួន
បើអ្នកនៅលីវ ហើយគេតែងតែសួរថា «ពេលណាទើបរៀបការ មានប្ដី/ប្រពន្ធ?» ឬក៏បើអ្នកមានគ្រួសារដែលទើបបែកបាក់គ្នា ហើយគេសួរថា «ទើបតែលែងលះគ្នាមែនទេ? ប្ដីប្រពន្ធរស់នៅយ៉ាងម៉េចដែរ បានជាក្រោយរៀបការបានប៉ុន្មានឆ្នាំក៏បែកគ្នា?» វិធីក្នុងការឆ្លើយនោះគឺ ក្នុងនាមជាមនុស្សម្នាក់ អ្នកត្រូវដឹងពីវិធីស្វែងរកដោះស្រាយ។ បើអ្នកបន្តតស៊ូដើម្បីបញ្ហាដែលធ្វើឲ្យអ្នកឈឺចាប់ នោះពាក្យសម្ដីរបស់អ្នកដទៃនឹងក្លាយជាកាំ.បិ.តដ៏សា.ហា.វ។ ដូច្នេះ ចូររក្សាភាពស្ងៀមស្ងាត់ មិនបាច់ឆ្លើយទេ ហើយគ្រាន់តែញញឹមដោយសុភាព ហើយដើរចេញទៅ។ ការធ្វើបែបនេះ អ្នកនឹងមិនមែនជាអ្នកត្រូវខ្មាសគេក្នុងរឿងនេះទេ តែអ្នកដែលត្រូវខ្មាស និងអៀនមាត់ខ្លួនឯង គឺជាគាត់ ដែលមកសួរសំណួរដ៏មិនគួរសួរបែបនេះ។
ប្រភព៖ kenh14
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
