ម្ចាស់ឡាន ស្លាកលេខ BOK.KALO ក្រោយបុ.កគេហើយ ដោះស្លាកលេខចេញបាត់

ភ្នំពេញ៖ យប់មិញនេះ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តស៊េរីទំនើប FORD EVEREST ស្លាកលេខ កម្ពុជា-BOK.KALO ជាមួយរថយន្ត HIGHLANDER ស្លាកលេខភ្នំពេញ 2AJ-4681 នៅលើកំណាត់ផ្លូវ២៧១ ធ្វើឲ្យមានការភ្ញាក់ផ្អើល។

ជាមួយគ្នានេះដែរ ករណីនេះ បានកើតឡើងស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ កាលពីវេលាម៉ោង ១០:២០ នាទីយប់ ថ្ងៃទី២៦ ខែកក្កដា ឆ្នាំ២០២៣។​ អ្វីដែលធ្វើឲ្យមហាជនមានការចាប់អារម្មណ៍ពេញបណ្ដាញសង្គមនោះគឺ ម្ចាស់ឡានដែលជាអ្នកបង្កហេតុបានដោះស្លាកលេងចេញ ដែលជាស្លាកលេខ កម្ពុជា-BOK.KALO។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាងស្លាកលេខនេះ បានធ្វើឲ្យអ្នកលេងបណ្ដាញសង្គមផ្ទុះការសង្ស័យថា តារារ៉េបដ៏ល្បីមួយរូប គឺជាម្ចាស់ឡាននេះ ដោយស្លាកលេខបង្ហាញយ៉ាងច្បាស់។ មិនតែប៉ុណ្ណោះ រថយន្ដស៊េរី Ford នេះ បានដោះស្លាកលេខចេញ ដែលធ្វើឲ្យមហាជនកាន់តែសង្ស័យមានចម្ងល់វែកញែកពេញបណ្ដាញសង្គម។

គួរបញ្ជាក់ផងដែរថា មិនទាន់មានប្រភពបញ្ជាក់បានទេថា តើអ្នកណាជាអ្នកបើកឡានមួយនោះ ខណៈដែលម្ចាស់រថយន្ត Ford ពិតប្រាកដរូបនោះ ហាក់មមាញឹកនៅក្រៅប្រទេសនៅឡើយ៕

ប្រភព៖ Vann Molika

• រូបភាព