ភ្នំពេញ៖ ប្រិយមិត្តដែលតែងតែទស្សនាកម្មវិធីប្រកួតបវរកញ្ញាប្រចាំប្រទេសកម្ពុជា ច្បាស់ជាស្គាល់កម្មវិធីប្រកួតបវរកញ្ញាយុវតីអន្តរជាតិកម្ពុជា Miss Teen International Cambodia ដោយកម្មវិធីមួយនេះ កំពុងផ្ទុះការគាំទ្រខ្លាំងពីសំណាក់ទស្សនិក ជាពិសេសពីមិត្តៗយុវវ័យតែម្ដង។
យ៉ាងណាមិញ កម្មវិធី Miss Teen International Cambodia បានបើកការប្រកួតអស់ជាច្រើនវគ្គ និងបានជម្រុះបេក្ខនារីជាច្រើននាក់ផងដែរ។ អ្វីដែលកាន់តែពិសេស ពេលវេលាកាន់តែកៀកឃិតចូលមកដល់ថ្ងៃប្រកួត Final ដើម្បីស្វែងរកម្ចាស់គ្រងមកុដតំណាងប្រទេសកម្ពុជានេះហើយ។
លើសពីនោះ ដើម្បីទទួលបានបទពិសោធន៍ទស្សនាត្រជាក់ភ្នែក អារម្មណ៍រំភើប ស្រែកហ៊ោរ ជាមួយនឹងសមត្ថភាពដ៏អស្ចារ្យរបស់បវរកញ្ញាដែលមានទេពកោសល្យជាច្រើនរូប ប្រិយមិត្តអាចរកទិញសំបុត្របានចាប់ពីពេលនេះតទៅ តាមរយៈផេកជាផ្លូវការរបស់ Miss Teen International Cambodia ដែលតម្លៃសំបុត្រធម្មតា ៤ម៉ឺនរៀល និង សំបុត្រវីអាយភី មានតម្លៃ ៦ម៉ឺនរៀល។
គួរបញ្ជាក់ផងដែរថា កម្មវិធីការប្រកួតបវកញ្ញាយុវវ័យកម្ពុជា 2023 នៅក្នុងវគ្គ “The Final show” “វគ្គផ្តាច់ព្រ័ត្រ” ដែលនឹងធ្វេីឡេីងក្នុងផ្សារទំនេីប «អ៉ីអនម៉ល មានជ័យ» Æon Hall ជាន់ទី១ នៅថ្ងៃទី០៥ ខែ សីហា ឆ្នាំ ២០២៣ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
