សម្រស់ធម្មតាស្អាតពេកទៅហើយ ពេលនេះហ្វេននាំគ្នាកែរូប Jisoo ទៅជាតុក្កតាBarbie យ៉ាងប្លែកភ្នែក

កម្សាន្ត៖​ ជាការពិតណាស់​ ខ្សែភាពយន្ដបែបហូលីវូដ Barbie កំពុងតែលុកលុយគ្រប់រោងកុន ធ្វើឲ្យមនុស្សម្នារនាំគ្នាទៅទស្សនាបាក់ទឹកបាក់ដី។ ជាពិសេស មានតារាល្បីៗជាច្រើនជុំវិញពិភពលោក បានតែងខ្លួនធ្វើជាតួអង្គ Barbie ដែលមានសក់ពណ៌មាស និង តែងតែស្លៀកសម្លៀកបំពាក់ពណ៌ផ្កាឈូក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនោះ អ្នកគាំទ្ររបស់តារាចម្រៀងកូរ៉េ ដ៏ស្រស់ស្អាត ក្នុងក្រុម Blackpink ដោយ Jisoo ត្រូវបានហ្វេនៗកែរូបនាង ឲ្យក្លាយទៅជាព្រះនាង Barbie ដ៏មានមន្ដស្នេហ៍។ នៅក្នុងនោះ Jisoo ពិតជាស្រស់ស្អាតមិនធម្មតានោះទេ ជាមួយសក់ពណ៌មាស ភ្នែកពណ៌ខៀវ ផាត់មុខបែបភីងៗ។

ក្រោយពីឃើញរូបនេះហើយ ទើបដឹងថា តារាស្រីរូបនេះ ទោះតែងខ្លួនយ៉ាងណាក៏នៅតែមានភាពទាក់ទាញ មិនថាជាស្ទាយ៍អាស៊ី ឬស្ទាយ៍​ Barbie បែបបរទេសនោះទេ ដែលនេះក៏ជាចំណុចមួយធ្វើឲ្យអ្នកគាំទ្រលង់ស្រឡាញ់នាងដកចិត្តមិនបាន៕

• រូបភាព
• តារាកូរ៉េ