ពិតទេ ស្ត្រីធ្វើខ្លួនឯករាជ្យជ្រុលពេក ធ្វើឲ្យបុរសជាដៃគូឆាប់មានអារម្មណ៍ជិនណាយនឹងស្នេហា?​

កម្សាន្ត៖​ ជាការពិតណាស់ ក្នុងសង្គមជាក់ស្ដែងសព្វថ្ងៃនេះ បុរសនិងនារីសុទ្ធតែមានសិទ្ធិស្មើគ្នា អាចបំពេញការងារគ្រប់មុខតំណែងបានដូចគ្នា ខណៈដែលមានការលើកកម្ពស់យេនឌ័រកាន់តែខ្លាំង។ ស្ត្រីសម័យថ្មីភាគច្រើនក៏ចំណាប់ទាំងការតែងខ្លួន ការរកស៊ី និងការរៀនសូត្រជាដើម ដោយឥឡូវគេនិយមគិតថាស្ត្រីគួរតែធ្វើខ្លួនឯករាជ្យ មិនចាំបាច់ពឹងពាក់មនុស្សប្រុស ខណៈដែលបុរសៗក៏ចូលចិត្តឲ្យនារីជាដៃគូធ្វើខ្លួនឯករាជ្យដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

​យ៉ាងណាមិញ បើយោងតាមគេហទំព័រ Marriage.com បានចុះផ្សាយថា ការធ្វើខ្លួនឯករាជ្យជ្រុលពេករបស់ស្ត្រី អាចធ្វើឲ្យសម្ព័ន្ធភាពគូស្នេហ៍មានភាពប្រេះស្រាំទៅវិញ ដោយបង្កក្ដីរកាំរកូសលើកត្តា២យ៉ាង៖​

១. វាប៉ះពាល់ដល់ទំនាក់ទំនងជាមួយគូស្នេហ៍

ការប្រាស្រ័យទាក់ទងគ្នាជាកត្តាចំបងមួយក្នុងសម្ព័ន្ធភាពគូស្នេហ៍ ដោយទាំងនារីនិងបុរស ត្រូវការការពិភាក្សាគ្នាលើរឿងនិងបញ្ហាជាច្រើនមិនថាការរកស៊ី ជម្លោះ ឬទស្សនៈផ្សេងៗដែលអាចចែករំលែកគ្នាទៅវិញទៅមក។ បុរសនិងស្ត្រីជាដៃគូនឹងគ្នា ត្រូវការបញ្ចេញមតិយោបល់រៀងៗខ្លួន ប៉ុន្តែបើក្នុងករណីស្ត្រីមានភាពឯករាជ្យជ្រុលហួសហេតុពេក គឺវាអាចនឹងក្លាយជារនាំងមួយគាបសង្កត់ដាក់បន្ទុកខាងបុរស ដោយអាងតែខ្លួនឯករាជ្យ ចង់ធ្វើអី និយាយអីក៏បានដែលវាអាចប៉ះទង្គិចផ្លូវអារម្មណ៍និងធ្វើឲ្យទំនាក់ទំនងយ៉ាប់យ៉ឺន។​

២. វាធ្វើឲ្យបុរសជាដៃគូមានអារម្មណ៍បាត់បង់ទំនុកចិត្តលើខ្លួនឯង

បុរសកើតមកមានបរិបទនៃការរស់នៅមួយច្បាស់លាស់ ដូចជាមានឆន្ទៈមួយថា ចង់ជួយមើលថែនារីជាដៃគូ ផ្ដល់ការលើកទឹកចិត្ត ការពារ និងផ្ដល់ជាជំនួយជាដើម ប៉ុន្តែបើសិនជាភាគីខាងស្រីឯករាជ្យជ្រុលពេក ធ្វើឲ្យនាងសម្រេចចិត្តលើរឿងសំខាន់ខ្លះដោយឯកឯងដោយមិនបាច់សុំការប្រឹក្សាពីភាគីខាងបុរស ហើយពេលខាងបុរសស្នើផ្ដល់ជំនួយដល់នាង នាងក៏រុញច្រានសំណើនោះ ដែលយូរៗទៅធ្វើឲ្យមានភាពរកាំរកូសកើតឡើង ដោយបុរសគិតថាគេមិនអាចបំពេញតួនាទីជាបង្គោលរឹងមាំមួយសម្រាប់នារីជាដៃគូ៕

ប្រភព៖: marriage

• យុវវ័យ
• ស្នេហា
• ជីវិត