ខួបកំណើតឆ្នាំនេះ រចនា រ៉ាវ៉ាឌី រៀបចំប្លែក តុបតែងបែបធម្មជាតិៗម្ដង

ភ្នំពេញ៖ ពិតណាស់ តារាសម្ដែងស្រី កញ្ញា រចនា រ៉ាវ៉ាឌី ត្បិតតែជាតារាពន្លកថ្មី ដែលទើបតែប្រឡូកក្នុងវិស័យភាពយន្តរយៈជាង ៥ ទៅ ៦ឆ្នាំចុងក្រោយនេះពិតមែន ប៉ុន្តែយើងឃើញថា បច្ចុប្បន្នតារាស្រីរូបនេះ កំពុងក្ដោបបានប្រជាប្រិយភាពយ៉ាងខ្លាំង ដោយសារតែភាពប៉ិនប្រសប់ក្នុងការសម្ដែង ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តារាសម្ដែងស្រីរូបនេះ មានវ័យក្មេងតែប៉ុណ្ណោះ តែនាងទទួលបានភាពជោគជ័យនៅក្នុងការងារសិល្បៈគួរកត់សម្គាល់។​ មិនតែប៉ុណ្ណោះ នៅក្នុងឆ្នាំនេះ កញ្ញា រចនា រ៉ាវ៉ាឌី ចាស់មួយឆ្នាំទៀតហើយ ដោយនាងបានរៀបចំពិធីខួបកំណើត ឈានចូលអាយុ ២៣ឆ្នាំ របស់ខ្លួន។

ជាមួយគ្នានោះ ឆ្នាំនេះហាក់ខុសពីឆ្នាំមុន ដែលនាងបានរៀបចំពិធីបែបសាមញ្ញ តែមិនធម្មតា តាមរយៈទីតាំងនៅទីធ្លារខាងក្រៅបែបធម្មជាតិៗបៃតង។ អ្វីដែលគួរឲ្យចាប់អារម្មណ៍នោះ សម្រស់របស់ កញ្ញា រចនា រ៉ាវ៉ាឌី ស្រស់ស្អាតមែនទែន ជាមួយនឹងការផាត់មុខបែបស្រាលៗ អមជាមួយនឹងរ៉ូបពណ៌បៃតងខ្ចីទៀត ធ្វើឲ្យមានភាពទាក់ទាញ៕

• រូបភាព
• តារាខ្មែរ